تخار ولایتی والیسینینگ سوزلاووچیسی و بو ولایت عیاللر ایش لری بوییچه اداره باشلیغیگه اساسلب اخبارات واسطهلری اویغونلیکده تیارلهگن گزارشده، سهیلا ناملی قیز رمضان ایامیده نیچه مرته بیر ایرکک تامانیدن جنسی تجاوز ایتیلگنلیگی قید ایتیلگن.
بو قیزنی جنسی تجاوز قیلگن کیشی محلی بیر قوماندانگه پناه ایزله گن. لیکن، سلاموطندارگه صحبت بیرگن خانم سهیلا، اوشبو قیضه توغری ایمس دیب، رسانهلرگه اساسلب یازیلگن گزارشده تجاوز قیلگن شخص قانونی تورموش اورتاغی ایکنلیگینی ایتگن.
سهیلا، اخبارات واسطهلری آرقهلی اوزیگه بولگن تجاوز بارهسیده خبر بولگندن کیین، حکایه قیلیشیچه، بو خبرنی ایشیتگندن سونگ روحی ضربه ییگن. تورموش اورتاغی رحیم الله بیلن دادخواهلیک و اخبارات واسطهلری بیلن صحبت اوتکزیش اوچون ینگی قلعه تومنیدن ولایت مرکزی تالقانگه یول آلگن. اما، مقصدگه ییتیشیشی بیلن پولیس ایکّی سینی هم قولگه آلیب، ایر و خاتیننی تورمهگه تشلهگن.
سهیلانینگ سوزلریگه قرهگنده، تورموش اورتاغی بیلن علاقهسی عشق و سیوگی اساسیده بولگنی سبب اوزی همده خانهدانینینگ قراری اساسیده مذکور شخصگه تورموشگه چیققن. آبر – عزتی سوال آستیگه کیتگن خانم سهیلا مسالهگه پایان بیریلیب، تورموش اورتاغی بیلن عادی حیاتگه دوام بیریشی نی تیلگه آلگن.
قانونی ادارهلر مذکور ایر و خاتین گناهسیز ایکن لیگینی تصدیق له گنلر. ینگی قلعه تومنینینگ دستلبکی عالی محکمهسی باشلیغی عبدالباقی، اوشبو ایر و خاتین کیلیشیب تورموشگه چیققنلر دیدی.
شونینگدیک عبدالباقی، اوشبو ایر و خاتیننینگ تورموش قورگنی قانونی لحاظدن هم هیچ قندهی بیر قیینچلیگی یوق دیگن. محکمه رییسی، اولرنی حبسگه آلیش قانونگه قرشی بیر عمل دیگن.
شونینگدیک سهیلا، تخار ولایتی خاتین – قیزلر ایشلری بوییچه ادارهنینگ باشلیغی اوندن مذکور ایریکک تجاوز قیلگن لیگینی اعتراف قیلیشنی سورهگن. سهیلا، بو موضوعنی اعتراف قیلمهگن حالده، آتهسی حبسگه آلینیشی خاتین – قیزلر ادارهسی تامانیدن آگاهلنتیریلگن لیگینی تیلگه آلگن.
اما، تخار ولایتینینگ عیاللر مسالهسی بوییچه اداره باشلیغی رزم آرام حواش تیلگه آلگن گپلری اوستیده تاکید قیلیب: " سهیلا رمضان ایامیده بار – بار جنسی تجاوز ایتیلگن لیگینی ایتگن:
اوز نامی فاش ایتیلیشینی ایستمهگن تخار ولایتینینگ امنیتی ادارهلر رسمیلریدن بیرینینگ سلاموطندارگه ایتیشیچه، اوشیو ایر و خاتین ناقانونی حبسگه آلینگن لیگینی پولیس هم بیلهدی. اما، بو قضیه چقور ایلدیز آتگن، بولر مذکور ایر و خاتین تورمهده سقلهنیشی اوچون نیچه تاماندن باسیم آستیگه ایکنلیکلرینی بیلدیرگن.
حاضرگی کونده رحیم الله پولیس تامانیدن قولگه آلینیب تورمهگه تشلنگن و خانم سهیلا ایسه تخارده خوفسیزلیگی تامین ایتیلگن خاتین – قیزلر اوییده حیات کیچرهدی.
