شماری از فعالان مدنی بغلان امروز در یک حرکت نمادین تابوت این ولایت را در شهر کابل با خود حمل کردند.
فعالان مدنی بغلان می‌گویند که این تابوت را به ریاست جمهوری می‌برند و از رئیس جمهور می‌خواهند یا به این ولایت توجه کند و یاهم فاتحۀ بغلان را بخواند.
بشیر آخندزاده، یکی از فعالان مدنی بغلان می‌گوید که این تابوت را برای نجات بغلان به ریاست جمهوری می‌برند.
به گفتۀ او، ناامنی، توسعۀ نامتوازن، جنگ و نبود زمینۀ کار برای تحصیل‌کردگان بغلان از عمده مشکلات شهروندان بغلان اند.
عبدالقدوس یکی دیگر از فعالان مدنی بغلان می‌گوید که به پایتخت آمده‌اند تا مشکلات ولایت‌شان را به گوش رئیس جمهور برسانند.
بغلان از ولایت‌های ناامن در شمال کشور است.به گفتۀ فعالان مدنی بغلان، تاکنون توجه چندانی به این ولایت نشده است.
