نن په کابل کې د کلیو پراختیا او بیارغونې وزارت چارواکیو او د پراختیایي شوراګانو ترمنځ پهداسې حال کې د ۴۵ پراختیایي پروژو هوکړهلیکونه لاسلیک شول چې د ملګرو ملتونو د پراختیا او پرمختګ پروګرام او د جاپان جایکا استازیو هم برخه لرله.
د کلیو پراختیا او بیارغونې وزیر مجیبالرحمان کریمي وايي چې د دې ټولشمولو پروژو په پلي کولو سره ـ چې ارزښت یې ۱۲۱ میلیونه افغانۍ کېږي ـ ۸۵ زره تنه ترې په مستقیم ډول ګته ترلاسه کوي.
د ښاغلي کریمي په خبره، د دې پروژو له پلي کېدو سره به ۱۰ زره کاري ورځې هم برابرې شي.
د کلیو پراختیا او بیارغونې وزیر وایي چې دغه پروژې د بدخشان شهر بزرګ، د تخار ینګيقلعه، دشتقلعه او چاهآب ولسواليو، د بلخ به خلم ولسوالۍ او د کندوز امامصاحب ولسوالۍ کې ـ چې له تاجکستان سره ګډه پوله لري ـ په سرحدي سیمو کې د ژوند پراختیا پروژې په چوکاټ کې (لیتاکای۲) ـ چې افغانستان او تاجکستان ترمنځ ګډه پروژه ده ـ پلي کېږي.
د جاپان د نړۍوالې مرستندوې ادارې (جایکا) استازی هارون خاور د دې پروژو د عملي کولو چارو کې پر رڼښت ټینګار کوي.
ولسي تړون؛ دوو کلونو کې ۶۶۰۰ پروژې پلي شوي
ننګرهار کې د ۲۲.۵ میلیونو ډالرو کرنیزې پروژې پیلېږې
هندوستان په افغانستان کې ۱۰۸ نوې پروژې تمویلوي
په افغانستان کې د ملګرو ملتونو سازمان د پراختیا او پرمختګ برنامې(UNDP) استازی وايي چې د (لیتاکای ۲) پروژه، د اقتصاد پراختیا، د دوامداره ودې او د افغانستان او تاجکستان په سرحدي سیمو کې د اوسېدونکیو ترمنځ د مرستو له ترویجه ملاتړ کوي.
د کلیو پراختیا او بیارغونې وزارت چارواکي زیاتوي چې تر دې مهاله د (لیتاکا۲) برنامې له لارې ۱۶۰۰ کلیوالي سیمو اوسېدونکیو ته د کار دایمي موکې په لاس ورغلې او په پام کې ده ۴۵۰ نورو کورنیو ته هم د دایمي کار موکې برابره شي.
د (لیتاکا۲) برنامه د جاپان د نړۍوالۍ همکارۍ ادارې له لوري تمویلېږي او دا برنامه په افغانستان کې د کلیو پراختیا او بیارغونې وزارت او د تاجکستان له لوري د ملګرو ملتونو د پراختیا او پرمختګ برنامې له لوري پلې کېږي.
