افغانستان جمهور رئیسی محمداشرف غنی، جاری ییل نینگ جوزا آییده غور ولایتیده مرغاب تومنی ایجاد ایتیلیش ریجهسینی تصدیقلهدی، بیراق جمهور رئیس غنی نینگ بویروغیدن 7 آی اوتیب مذکور تومن ایجاد ایتیلیشیدن خبر یوق دیر.
مرغاب تومنی نینگ ولسوالی صفتیده تعیین ایتیلگن غلامسخی صبویارنینگ سلاموطندارگه ایتیشیچه، مذکور تومن مرکزی صفتیده تعیین ایتیلگن سمک منطقهسیده طالبان حاکم بولگنی باعث، حاضرگچه فعالیت گه باشله آلمهگن.
اونینگ ایتیشیچه، تومن مرکزی امنیتی کوچلرنینگ نظارتیده بولمهگنده، او ییرده فعالیت قیله آلمهیدی.
شونینگدیک، غور مدنی فعاللری، مرغاب تومنی ایجاد ایتیلیشینی اوشبو ولایت خوفسیزلیگی تأمینلنیشیده تأثیرچن دییشهدی، بیراق مرکزی و محلی مسؤوللرنی دقت سیزلیککه عیبلیدی.
غور حاکمی سوزلاوچیسی عبدالحی خطیبی نینگ ایتیشیچه، بو تومن فعال ایتیلیشی اوچون بوتونلهی تیارگرلیک آلینگن، بیراق فیروزکوه یولیده مرغاب گچه خوفسیزلیک تهدیدلری بولگنی باعث، حکومت بو تومننی فعال قیله آلمهگن.
اونگه کوره، مرغاب تومنی نینگ مرکزی سمک منطقهسیده خالد 3 عملیاتی باشلنگن و بو عملیات سمک منطقهسی طالباندن تازهلنگونگهقدر دوام ایتهدی.
مرغاب غور ولایتی نینگ مرکزیدن 130 کیلومتر اوزاقلیکده جایلشگن و بو ولایت نینگ ناتینچ منطقهلریدن بیری سنلهدی.