بوگون «دوشنبه» کابلده فسادگه قرشی کورهش خلق ارا کونیدن نشانلش مراسمده جمهور رئیس ایکینچی اورین باسری سرور دانش، اداری فسادگه قرشی کورهشده حکومت ناکام بولگنینی بیلدیردی.
جناب دانش گه کوره، مملکتده حاضرگهقدر فساد مافیاسی موجود دیر و مملکت نینگ ایریم بولیملریده قانوندن قاچیش کورینهدی.
شونینگدیک، جمهور رئیس ایکینچی اورین باسری نینگ ایتیشیچه، دولتی ادارهلرنینگ رهبرلیگیده اداری فسادگه عیبلنمهگن کیشیلر تعیین ایتیلیشی کیرهک.
دانش نینگ ایتیشیچه، مملکت ده اداری فسادنینگ اصلی قیناغی دولتی نرسهلردن سوءاستعمال قیلیشده دیر.
افغانستان بوییچه اروپا بیرلیگی ایلچیسی پیری مایدون نینگ ایتیشیچه، افغانستانده اداری فسادگه قرشی کورهش سوزی جدی آلینیب و فسادگه قولی بولگنلر تیرگاوگه آلینیشی لازم.
شونینگدیک، افغانستان بوییچه دنمارک ایلچیسی مایکللند جپسین نینگ ایتیشیچه، افغانستانده کیچیریم مدنیتی یوق ایتیلیشی خصوصیده قانون تطبیق ایتیلمهیدی و اداری فساد موجودلیگی حاضرگهقدر اساسی قیینچیلیکلردن بیری سنلهدی.
کابل بوییچه انگلستان ایلچیخانهسینی سرپرستی گلیسلورنینگ ایتیشیچه، افغانستانده اداری فسادگه قرشی کورهشیلیشی اوچون ادارهلرنی آرهسیده ییترلیچه اویغونلیک وجودگه کیلیشی لازم.
افغانستان بوییچه بیرلشگن ملتلر تشکیلاتینینگ اورین باسرلیک هیأتی یا-ده یوناما ادارهسی نینگ قانون حاکمیتی باشلیغی رومانا شواینگرنینگ ایتیشیچه، افغانستانده اداری فسادگه قرشی کورهش بوییچه عدلی و قضایی مرکزی، فسادگه قرشی کورهشنی جدی آلمهگن و حاضرگهقدر فسادگه قولی بولگن کیشیلر قولگه آلینمهگن.
شونینگدیک، افغانستان شفافیتینی کوزهتووچی اداره باشلیغی اکرم افضلی، مملکتده اداری فسادگه قرشی کورهش نینگ چیگللیگی گه اشاره قیلیب ایتیشیچه، حکومت فسادگه قرشی کورهشده ناکام بولگن و اداری فسادگه قرشی کورهشده بولگن سیاسی ارهلشوولر حاضرگهقدر اساسی قیینچیلیکلردن بیری سنلهدی.
