مملکت سابق اقتصاد وزیری وحیدالله شهرانینینگ جنوبی آسیا منطقهیی همکارلیکلر بیرلیگی یا-ده سارک تشکیلاتینینگ 35- ییل قوریلیشیدن نشانلش مراسمده ایتیشیچه، موجود بولگن سیاسی قیینچیلیکلر و سارک اعضاسی بولگن مملکتلرنینگ ناتوغری قرهشلری سبب، اوشبو تشکیلات اقتصادی نقطهی نظردن ییترلیچه رشد قیلمهگن.
جناب شهرانیگه کوره، جنوبی آسیا منطقهیی همکارلیکلر بیرلیگیده اعضا بولگن مملکتلرنینگ سوداگرلیکلریدن 94% اوشبو تشکیلاتگه اعضا بولمهگن مملکتلر بیلن صورت تاپهدی.
سارک صناعت و سوداگرلیک اتاقی اعضاسی جلالالدین سعید نینگ اوشبو مراسمده ایتیشیچه، هند و پاکستان آرهسیده بولگن سیاسی تارتیشوولر بو تشکیلات برابریده بولگن اساسی قیینچیلیکلردن دیر.
جنوبی آسیا منطقهیی همکارلیکلر بیرلیگی یا-ده سارک تشکیلاتی 1985- ییلده بنگلادش، نپال، هند، پاکستان، بوتان، مالدیو و سریلانکا مملکتلری نینگ اشتراکی بیلن اوشبو تشکیلات اعضالری نینگ اقتصادینی رشد بیریش اوچون نپالگه قوریلدی. افغانستان 2007- ییلده بو تشکیلات عضویتینی قولگه کیلتیردی.
