لندن ده ناتو تشکیلاتی باشلیغلری نینگ ییغینی چیکَّهسیدن خبری بیر ییغین اوتکزگن ناتو تشکیلاتی باش کاتبی ینس استولتنبرگ، افغانستان قیینچیلیگی حل ایتیلیشی اوچون سیاسی بیر ییچیم یول تأپیلیشی اوستیگه تأکیدلب ایتیشیچه، تینچلیک سوزلشوولری اوچون اینگ یخشی طریقه افغانستان خوفسیزلیک کوچلریدن حمایت قیلیش دیر.
اونینگ ایتیشیچه، «طالبان گروهی گه اوروش یولیدن یوتوققه ایریشه آلمهسینی بیلدیریش کیرهک.»
ناتو تشکیلاتی نینگ باش کاتبی، آمریکا و طالبان گروهی آرهسیده افغانستان تینچلیک سوزلشوولری قیتهدن باشلهنیشی اوچون بولگن سعی و حرکتلردن حمایت بیلدیریب ایتیشیچه، بو توغریده هردایم ناتو تشکیلاتی بیلن مصلحت قیلینگن.
افغانستان حکومتی، ناتو باش کاتبی نینگ بیاناتی نی خوش قرشیلگن.
افغانستان جمهور رئیسی نینگ سوزلاوچیسی صدیق صدیقی نینگ اوز توییتر صحیفهسیده یازیشیچه، «افغانستان حکومتی و اهالیسی ناتو تشکیلاتی باش کاتبی نینگ سونگی بیاناتلرینی خوش قرشیلیدی.»
افغانستان بوییچه ناتو تشکیلاتی نینگ ملکی نمایندهسی نیکولاس کی نینگ لندن ده ناتو ییغینی چیکَّهسیده ایتیشیچه، افغانستان حاضر تینچلیک کیلتیریش خصوصیده، یخشی شانس گه ایگه بولگن.
نیکولاس کی گه کوره، «عصیانچی گروهلرنینگ آرهسیده یالغیز طالبان زوروانلیکلر دوامی اوستیگه تأکیدلیدی، عین دمده، باشقه گروهلر آتیشکیسین ایستهیدیلر.»
شوندهی بیرحالده، آمریکا تشقی ایشلر وزیرلیگی، آمریکا و طالبان آرهسیده افغانستان تینچلیک سوزلشوولری قیتهدن باشلهنیشی توغریسیده خبر بیرگن.
آمریکا تشقی ایشلر وزیرلیگی نینگ اعلان قیلیشیچه، افغانستان تینچلیک لایحهسی بوییچه آمریکانینگ خاص نمایندهسی زلمی خلیلزاد، کابل گه سفر قیلیب و مذکور مملکت نینگ سیاسی رهبرلری بیلن اوچرهشگنیدن سونگ، دوحه گه باریب و طالبان گروهی سوزلشوولرنی قیتهدن باشلهشی توغریسیده قرار قیلینگن.
شو توغریده…
آمریکا تشقی ایشلر وزیرلیگی: خلیلزاد تینچلیک سوزلشوولرنی قیته باشلهیدی
