فراه مدنی فعاللریدن بیرقطاری نینگ ایتیشیچه، اوشبو ولایتده خوفسیزلیک کوچلری نینگ هوایی هجومی نتیجه‌سیده 10 تینچ اهالی هلاک ایتیلگن.
اوشبو واقعه مذکور ولایت نینگ پشترود تومنیده یوز بیرگن و باشقه باله‌لر شامل 5 کیشی یره‌لنگن.
فراه ولایتی نینگ مدنی فعاللریدن بیری عبدالرحمان ژوندی نینگ ایتیشیچه، مذکور کیشی‌لر خفتن نمازیدن چیقیب اویلریگه تامان کیته‌یاتگن بیرچاغده، خوفسیزلیک کوچلری نینگ هوایی هجومی گه دوچ کیلیشگن.
عین حالده، فراه ولایت کینگشی اورین باسری شاه‌محمود نعیمی نینگ ایتیشیچه، اوشبو هجوم ده 5 جنگری طالب شامل 8 کیشی هلاک ایتیلگن و باشقه 8 تینچ اهالی یره‌لنگن.
بیراق، فراه پولیس قومندانلیگی سوزلاوچیسی محبالله محب نینگ ایتیشیچه، اویوشتیریلگن هوایی هجوم ده طالبان گروهی نینگ بیر قومندانی شامل 5 جنگریسی هلاک ایتیلگن.
اونگه کوره، بو واقعه ده ایکی باله شامل 5 تینچ اهالی یره‌لنگن. جناب محب، هوایی عملیات کوردیناتی توغری بولگنی اوستیگه تأکیدلیدی.
شو توغریده…
فراه ده 16 تینچ اهالی طالبان تامانیدن اوغیرلنگن
