هوا کونسایین ساووق بولماقده و شونینگدیک قیش فصلی یتیب کیلماقده، بیراق کابل شهری نینگ بیر چیککه‌سیده آواره بولگن قطار عایله‌لر باش‌پناه‌سیز و باشقه هیچ بیر امکانیت بیلن حیات کیچیره‌دیلر.
قندز ولایتی‌دن کابل کیلگن قطار عایله‌لرنینگ ایتیشیچه، اولر اوروشدن قاچیب کابل کیلگن و ایکی ییل‌دن بویان خیمه‌ده حیات کیچیرماقده‌لر.
مذکور آواره‌لردن قطاری نینگ ایتیشیچه، قیش یتیب کیلگن و باله‌لری کسل دیر، بیراق اولر دارو و آذیق – آوقت گه قول تاپه آلمه‌یدیلر.
ننگرهار و لغمان یشاوچیسی بولگن قطار مهاجرلر پاکستاندن قیتیب و حاضر کابل شهری نینگ 16- ناحیه‌سیده خیمه آستیده حیات کیچیره‌دیلر.
عین حالده، مهاجرلر و باش‌پناه ایزلاوچیلری وزیرلیگی سوزلاوچیسی عبدالباسط انصاری نینگ ایتیشیچه، اوروش و قورغاوچیلیک باعث افغانستان بویلب 3 میلیون دن آرتیق عایله آواره بولگن.
شو توغریده:
- تخار ولایتیده 4 مینگ عایله آواره بولگن
ننگرهار و فاریاب ولایتیده یوز بیرگن آتیشمه‌لر نتیجه‌سیده، 3 مینگ عایله آواره بولگن
جوزجان؛ کمیده 1 مینگ عایله آواره بولگن
اونینگ کوپه‌یتیریشیچه، شونینگدیک اوتگن ایکی ییلده‌گی اوروشلر باعث باشقه مملکتلردن قیتیب کیله‌دیگن کیشیلر رقمی کمه‌یگن.
جناب انصاری گه کوره، مالیه وزیرلیگی مهاجر و باش‌پناه ایزلاوچیلر گه یاردم بیریش اوچون بیر مرته 140 میلیون و شونینگدیک نیچه پیت آلدین 146 میلیون افغانی مهاجرلر و باش‌پناه ایزلاوچیلر ریاستی نینگ اختیاری گه قویدی و شونینگدیک مذکور وزیرلیک تورلی ولایتلرده آوارلرگه یاردم بیرگن.
اونینگ ایتیشیچه، شونینگدیک خلق‌ارا موسسه‌لری قیش فصلی‌ده مهاجرلر و باش‌پناه ایزلاوچیلرگه یاردم بیریش اوچون سوز بیرگن.
بوندی بیاناتلر ارایه ایتیلگن حالده، هر ییل قیش فصلی‌ده قطار مهاجرلر ساووق‌لیک اوچون تورلی کسل‌لیکرگه چالینیب و شونینگدیک اولردن قطاری جان بیره‌دی.
