افغانستان بوییچه شفاف سیلاو بنیادی یا-ده تیفا، جمهورلیک ریاستی سیلاوی نینگ دستلبکی نتیجه‌سی اعلان ایتیلمه‌یشینی خواطرلی و شبهه‌لی عنوان قیلگن. بوگون "یکشنبه" اوشبو نهاد نینگ بیرخبرنامه آرقه‌لی اعلان قیلیشیچه، سیلاو ایرکین کمیسیونی نینگ مدیریت‌سیزلیگی و سیاسی فشارلر باعث، سیلاو دستلبکی نتیجه‌سی نینگ اعلان ایتیلیشی توخته‌تیلگن.
افغانستان بوییچه شفاف سیلاو بنیادی یا-ده تیفا تشکیلاتی، سیلاو ایرکین کمیسیونی‌دن جمهورلیک ریاستی سیلاوی نینگ دستلبکی نتیجه‌سی اعلان ایتیلیشی نینگ توخته‌تیلگنی خصوصیده مستند دلیل ترقه‌تیشینی سوره‌ب و اوشبو کمیسیون‌دن تعیین ایتیلگن برنامه‌لر اساسیده فعالیت قیلیشی‌نی طلب قیلگن.
سیلاو ایرکین کمیسیونی اعضاسی مسافر قوقندی نینگ ایتیشیچه، عملیاتی ایشلر جدی شکلده دوام ایتماقده و تیزلیک‌که سیلاو دستلبکی نتیجه‌سی اعلان ایتیله‌دی.
سیلاو کمیسیونی نینگ تقویمی‌گه کوره، جمهورلیک ریاستی سیلاوی نینگ دستلبکی نتیجه‌سی 27 میزانده اعلان ایتیلیشی ممکن ایدی، بیراق سیلاو ایرکین کمیسیونی مسووللری نینگ ایتیشیچه، بایومتریک اسکونه‌لریدن معلومات‌لرینی مرکزی معلومات‌گه انتقال بیریلیشی برابریده تخنیکی قیین‌چیلیک‌لر بولگنی باعث، سیلاو دستلبکی نتیجه‌سی نینگ اعلان ایتیلیشی توخته‌تیلگن.
سیلاو ایرکین کمیسیونی باشلیغی حوا علم نورستانی، جمهورلیک ریاستی سیلاوی نینگ دستلبکی نتیجه‌سی تعیین ایتیلگن زمانده اعلان ایتیلمه‌گنی باعث، افغانستان یشاوچی‌لریدن عذر سوره‌گن.
