دولت قوروچی سیلاو تیمی نینگ بیرینچی اورین باسری امرالله صالح نینگ کابلده بیر خبری ییغین آرقه‌لی ایتیشیچه، سیلاو تیم‌لرینی وقت‌دن آلدین نتیجه‌نی اعلان قیلیشدن قول تارتیشی کیره‌ک، چونکه نتیجه سیلاو کمیسیونی تامانیدن اعلان ایتیله‌دی.
اونینگ ایتیشیچه، دولت قوروچی سیلاو تیمی یوتوقگه ییریشگن صورتده، حکومت‌ده 6- برماغ‌نی قبول قیلمه‌یدی و باشقه تیم موفق بولگن صورتده، اولرگه 6- برماغ بولمه‌یدی.
جناب صالح، سیلاولر شکایت‌لرینی تینگلش کمیسیونیدن سیلاو شکایت‌لرینی جدی شکلده تیکشیریشی‌نی سوره‌گن.
.jpg)
شونینگدیک، جمهورلیک ریاستی نامزدلریدن بیری عبدالله عبدالله، بیر خبری ییغین آرقه‌لی، قولگه کیریتیلگن معلومات‌لرگه کوره، سیلاوگه موفق بولگنی‌نی بیلدیرگن ایدی.
جناب عبدالله گه کوره، جدی امنیتی تهدیدلر بولگن بیرحالده هم، افغانستان یشاوچی‌لری جمهورلیک ریاستی سیلاویده اشتراک قیلگنلر.
جناب عبدالله، سیلاو کمیسیون‌لریدن سیلاو کونیده صورت تاپگن ساخته‌کارلیک‌لرنی تیکشیریشی‌نی سوره‌گن.
