افغانستانده جمهورلیک ریاست سیلاوی یولگه قوییلگن بیرچاغده، مملکت ولایتلریدن بیرقطاری پارتلشلرگه گواه بولدی.
ننگرهار حاکمی سوزلاوچیسی عطاالله خوگیانی نینگ ایتیشیچه، مذکور ولایت نینگ جلالآباد شهری و سرخرود تومنیده یوز بیرگن تورت پارتلش نتیجهسیده، 1 کیشی هلاک و باشقه 6 کیشی یرهلنگن.
شونینگدیک، کنر ولایتی نینگ ناره و سرکان تومنلری و لغمان نینگ الینگار تومنی اوستیگه آتیلگن اوچ موشک نتیجهسیده، 1 باله هلاک و باشقه 13 کیشی یرهلنگن.
سلاموطندارگه صحبت بیرگن قندوز پولیس قومندانلیگی سوزلاوچیسی انعامالدین رحمانی نینگ ایتیشیچه، قندوز شهری گه طالبان تامانیدن 6 راکت آتیلگن، بیراق بو هجوملر قربانلریدن دقیق رقم قولگه کیریتیلمهگن.
قندوز ولایتی بوییچه ساغلیقنی سقلش ریاست باشلیغی محمد احسان فضلی نینگ سلاموطندارگه ایتیشیچه، بو ولایتده ایرتهلبدن بویان 2 حربی و 15 تینچ اهالی یرهلنگن.
قندهار ولایتیدن ییتیشگن خبرگه کوره، بیر اسپیکرده جایلشتیریلگن پارتلاوچی ماده پارتلهشی عاقبتیده، 17 کیشی یرهلنگن و بدخشان ولایتیده بیر آواز بیریش مرکز اوستیگه طالبان تامانیدن اویوشتیریلگن هجوم نتیجهسیده 1 پولیس هلاک ایتیلگن.
شونینگدیک، بغلان ولایتیدن ییتیشگن خبرگه کوره، مذکور ولایتده امنیتی کوچلر و طالبان آرهسیده یوز بیرگن آتیشمه نتیجهسیده، 10 تینچ اهالی و 3 حربی یرهلنگن.
عین دمده، سلاموطندارگه صحبت بیرگن کابل امنیتی مسؤوللری نینگ ایتیشیچه، کابل شهری نینگ تورلی منطقهلریده نیچه مقناطیسی ماین پارتلهگن، بیراق کیمسه گه زیان ییتمهگن.
بوندن آلدین طالبان تامانیدن ترقهتیلگن خبرنامهده، بو گروه سیلاو جریانینی بیزاته قیلیب و آواز بیریش مرکزلرنی اوستیگه هجوم قیلیشی توغریسیده آگاهلنتیرگن ایدی.
شو توغریده…
