جوزجان پولیس قومندانی عبدالواحد وجدان نینگ سلاموطندارگه ایتیشیچه، نیچه هفتهدن بویان پاکستانلیک تقاعدلی جنراللرنینگ حضوری سبب، بو ولایت قطار منطقهلریده اوروش شدتلنگن.
جناب وجدان نینگ کوپهیتیریشیچه، جوزجان ولایتیده طالبان اوروشینی کویته کینگشی دستوری آرقهلی، پاکستانلیک جنراللر رهبرلیک قیلهدی.
جوزجان پولیس قومندانی نینگ ایتیشیچه، پاکستانلیک جنراللرنی شیخ مطیعالله ناملی بیر کیشی رهبرلیک قیلهدی و اولر عام المنفعه پروژهلرنی تخریب قیلیش، تینچ اهالینی اولدیریش و ماین جایلشتیریشنی جهاد دیدیلر.
جوزجان ولایتی کینگش اعضاسی امرالدین دانشجونینگ بو ادعانی تصدیقلب ایتیشیچه، بو ولایتده طالبان گروهینی قندهاردن کیلگن پاکستانلیک جنراللر رهبرلیک قیلهدی.
جوزجان یشاوچیلریدن بیرقطاری امنیتی وضعیتلر یمان بولگنیدن خواطر بیلدیرگنلر. اولرنینگ ایتیشیچه، امنیتی نهادلرنینگ دقت سیزلیگی باعث، بو ولایتده ناتینچلیکلر کوپهیب بارماقده.
بیراق، طالبان گروهی سوزلاوچیسی ذبیحالله مجاهد، جوزجان ولایتیده پاکستانلیک جنراللرنینگ حضورینی رد قیلهدی.
جوزجان مدنی فعاللری نینگ ایتیشیچه، کون اوتیش بیلن بو ولایتده امنیتی وضعیت یمان بولهدی؛ بیراق امنیتی وضعیتنی یخشیلنتیریش اوچون هیچ قندی سعی و حرکت قیلینمهیدی.
