بوگون «پنجشنبه» کابلده خبری بیر ییغین اوتکزگن افغانستان سابق جمهور رئیسی حامد کرزی تینچلیک پروسهسیدن تنقید قیلیب ایتیشیچه، تینچلیک پروسهسی آمریکا و پاکستان نینگ اختیاری گه دیر کیم پروسهنینگ بوندی دوام ایتیشی افغانستان فایدهسیگه یکونلنمهسی ممکن.
سابق جمهور رئیس افغانستانده هرتامانلمه و دایمی تینچلیک برقرار ایتیلیشی اوستیگه اورغولهیدی.
شونینگدیک جناب کرزی تینچلیک کیلگونگه قدر ملی بیرلیک حکومت دوام تاپیشی اوستیگه اورغولب ایتیشیچه، افغانستان چیتایللیک کوچلر چیققنیدن کیین جمهورلیک ریاستی سیلاوی نی یولگه قوییش گه کوچلی بولیشی ممکن.
بوندی بیاناتلر ارایه ایتیلگن بیر حالده، کیلهجک نیچه کونگه قدر تینچلیک کیلیشوونامهسی طالبان و آمریکا نمایندهلری آرهسیده امضاءلنیشی گه قرار قیلینگن.
ایتیلیشیچه، مذکور کیلیشوونامه امضا ایتیلگنیدن کیین افغانلرارا سوزلشوولر طالبان و افغانستان حکومتی نمایندهلری آرهسیده باشلنیشی ممکن.
