امنیتی بیرمنبع نینگ سلام‌وطندارگه ایتیشیچه، اوشبو رقم پولیس کوچلری بغلان-بلخ قتناو یولیده طالبان هجومی نتیجه‌سیده، هلاک ایتیلگنلر.
منبع نینگ کوپه‌یتیریشیچه، بو واقعه‌ده بغلان قتناو یوللری قومندانی فریدخان اندرابی و باشقه 17 پولیس یره‌لنگن دیر. منبع‌گه کوره، امنیتی کوچلرنینگ نقلیه واسطه‌لریدن بیرقطاری نابود ایتیلیب و اوشبو قتناو یول ساعت‌لرچه ترافیک یوزیگه باغلنگن دیر.
عین‌حالده، بغلان ولایتی کینگش باشلیغی محمدصفدر محسنی، نظم عامه 3- لواسی‌نینگ 4- کندکی ارکان باشلیغی عبدالرزاق نینگ هلاک ایتیلگنی‌دن خبر بیرگن.
اونینگ ایتیشیچه، عبدالرزاق اوتگن کونی بغلان- قندوز قتناو یولیده طالبان تامانیدن اویوشتیریلگن هجوم نتیجه‌سیده، هلاک ایتیلگن.
بغلان پولیس قومندانلیگی سوزلاوچیسی احمدجاوید بشارت، بغلان-قندوز قتناو یولیده یوز بیرگن آتیشمه‌نی تصدیق‌لگن، بیراق عبدالرزاق نینگ هلاک ایتیلگنی خصوصیده معلومات بیرمه‌گن.
عین‌حالده، دوشی تومنی ولسوالی صاحب‌داد غفوری نینگ ایتیشیچه، بو تومن نینگ کیهان منطقه‌سی طالبان نظارتی‌گه اوتگن و امنیتی کوچلر بو منطقه‌نی نظارت‌لریگه آلیش اوچون موفق بولمه‌گن.
دوشی ولسوالی نینگ آگاه‌لنتیریشیچه، حکومت بو توغریده دقت قیلمه‌گن صورتده، دوشی و تاله‌وبرفک تومنی نینگ امنیتی وضعیتی یمان بوله‌دی. بغلان امنیتی مسووللری بوتوغریده معلومات بیرمه‌یدی.
