افغانستان ایرکین میدیالریدن حمایت قیلووچی اداره یا-ده نی تشکیلاتی نینگ ایتیشیچه، یوزدن آرتیق میدیا ایشلاوچی‌لری نینگ بیر آیدن باشلب 20 آی‌گچه حقوقی‌نی توللمه‌گن.
افغانستان ایرکین میدیالریدن حمایت قیلووچی اداره یا-ده نی تشکیلاتی اجراییه باشلیغی عبدالمجیب خلوتگرنینگ سلام‌وطندارگه ایتیشیچه، مملکت بویلب 100 دن آرتیق میدیا ایشلاوچی‌لری نینگ بیر آیدن باشلب 5 آی‌گچه حقوقی‌نی بیرمه‌گن.
جناب خلوتگرگه کوره، دولت ییریک رسمی‌لریدن بیری گه تیگیشلی بیر میدیا ایشلاوچی‌لری نینگ 20 آیدن آرتیق حقوقی‌نی توللمه‌گن.
نی تشکیلاتی اجراییه باشلیغی نینگ ایتیشیچه، مذکور میدیالرنینگ رویخطی‌نی نشر قیلیش‌گه قرار قیلینگن ایکن، بیراق میدیالرنی مسؤوللری ایشلاوچی‌لری نینگ حقوقی‌نی توللش گه سوز بیرگن.
اونگه کوره، ایشلاوچی‌لریدن قرضدار قالگن میدیالرنینگ رویخطی نشر قیلینمه‌گنیدن اصلی مقصد، میدیالر حکومت تامانیدن باسقین آستیده آلینمه‌سی بولگن.
شونینگدیک، خبرچیلر خوفسیزلیگی‌نی سقلش کمیته اورین باسری صدیق‌الله توحیدی نینگ ایتیشیچه، کابل، قندهار و باشقه ولایت‌لردن اولرگه شکایت ییتیشگن و بو آره‌ده شونده‌ی بیر شکایت‌لر موجود کیم، میدیالردن بیرقطاری، ایشلاوچی‌لری نینگ 9، 10 و 20 آیلیک حقوقی‌نی توللمه‌گن.
اونگه کوره، بو موضوع عدلی و قضایی اداره‌لریگه تاپشیریلیشی کیره‌ک، بیراق بو توغریده حجت‌لری بولمه‌گنی سبب، میدیالرنینگ مسؤوللری بیلن علاقه قورگن‌لر و اولر جوابی گه مالی قیین‌چیلیک بولگنینی ایتگن.
سابق ژورنالیست‌لردن بیری شایق قاسمی نینگ ایتیشیچه، قطار رسانه‌لرگه ایشلب کیلگن، بیراق آیلیگی توللنمه‌گنی اوچون ژورنالیستلیکدن وازکیچش گه زورلنگن.
اونینگ ایتیشیچه، بیر مدت میترا تلویزیونی بیلن همکار بولگن، بیراق مذکور رسانه 6 آیلیک حقوقی نی توللمه‌گن و اونینگ شکایت‌لری هم نتیجه بیرمه‌گن.
شونینگدیک نورین تلویزیونی نینگ سابق ایشلاوچیسی فتانه بیات نینگ ایتیشیچه، آیلیگی اوشبو رسانه تامانیدن بیریلمه‌گنی باعث رسانه‌یی وظیفه‌لرنی ترک قیلگن.
میترا تلویزیونی باشقه فعالیت قیلمه‌یدی و اونینگ آدرسی هم یوق، بیراق سلام‌وطندارگه صحبت بیرگن نورین تلویزیونی نینگ خبر مدیری حامد قاسمی نینگ ایتیشیچه، مالی قیینچلیک‌که دوچ کیلگن ایکنلر و آیلیگی ترقه‌تیلمه‌گن کیشیلر حجت ارایه قیلیب حقوقی نی قولگه کیلتیره آله‌دی.
مدنیت و معلومات وزیرلیگی‌نینگ نشراتی باشلیغی سیدجعفر راستین نینگ ایتیشیچه، مذکور قضیه‌لرنی تیکشیریش اوچون بیر کمیسیون بار.
اونگه کوره، بو توغریده حاضرگه قدر اولرگه شکایت کیلمه‌گن و بیرار کیشی آیلیگی بیریلمه‌گنی توغریسیده شکایتچی بولگن حالده، مدنیت و معلومات وزیرلیگی اوشبو قضیه نی جدی شکلده تیکشیره‌دی.
اوشبو موضوعلر بیان ایتیلگن بیر چاغده، خبرچیلر نیچه مرته حقوق‌لری توللنمه‌گنی و میدیالردن بیر قطاری نینگ ناتوغری یانده‌شیش‌لری خصوصیده اعتراض بیلدیرگنلر.
