جمهورلیک ریاستی بیرینچی اورین باسری عبدالرشید دوستم نینگ ملی بیرلیک حکومتی اجرایی باشلیغی عبدالله عبدالله بیلن اوچره‌شوویده ایتیشیچه، « امارتی حکومت قابل قبول ایمس، رخصت بیریلسین طالباندن قصاص آله‌یلیک.»
اونینگ ایتیشیچه، قوشنی مملکت‌لر جمله‌دن روسیه، پاکستان، آمریکا و عربستان نینگ بیلیشی کیره‌ک‌که طالبان گروهی شکست بیلن دوچ کیله‌دی.
جمهورلیک ریاستی بیرینچی اورین باسری نینگ کوپه‌یتیریشیچه، طالبان قمراوگه قرار تاپگن و مملکت شمالی ولایت‌لریدن چیقیب کیته آلمه‌یدی.
جناب دوستم نینگ صحبت‌لری دوامیده ایتیشیچه، تینچلیک گدایی‌لیک بیلن قولگه کیلمه‌یدی و تینچلیک خصوصیده یولگه قوییلگن ییغین‌لرده بیریلگن وعده‌لر یالغان دیر.
جمهورلیک ریاستی بیرینچی اورین باسریگه کوره، جمهورلیک ریاستی نامزدلریدن بیرقطاری یاشیرینچی‌لی شکلده کمپاین قیله‌دی، بیراق بیزنی خاص بیر تیم‌دن حمایت قیلیشی‌میز بیللی دیر.
اوشبو اوچره‌شووده ملی بیرلیک حکومتی نینگ اجرایی باشلیغی عبدالله عبدالله، جمهورلیک ریاستی سیلاوی نینگ تینیق شکلده یولگه قوییلیشی اوستیگه تاکید قیلگن.
جناب عبدالله نینگ ایتیشیچه، او سیلاو کمپاینی اوچون ایمس، بلکیم مملکت شمالی ولایت‌لری نینگ امنیتی وضعیتی‌نی تیکشیریش اوچون کیلگن.
اجرایی باشلیغی نینگ تاکید قیلیشیچه، مملکت یشاوچی‌لری مملکت نینگ بحران تامان کیتیشینی ایستمه‌یدی.
جناب عبدالله، مملکت یشاوچی‌لریدن اولرنینگ سرنوشت‌لریگه قرشی توخته‌دیگنلرگه قرشی توخته‌یش‌لرینی سوره‌یدی.
