غور ولایتی نینگ غرنی تومنلرینی محلی مسؤوللری و ولایتی کینگش اعضالریدن بیرقطاری نینگ سلاموطندارگه ایتیشیچه، بیر هفته دن بویان طالبان گروهی نینگ جنگریلری مذکور ولایت نینگ 6 غربی تومنی نی سقوط بیریش اوچون توپلنگن.
غور ولایتی نینگ تولک وتیوره تومنلری مسؤوللری، محلی اداره مسؤوللری و بو ولایت نینگ امنیتی رسمیلریدن تنقید قیلیب ایتیشیچه، حاضر یالغیز مردمی کوچلر طالبان گروهی گه قرشی اوروشهدی و طالبان گروهی قتهغن قیلینیشی اوچون حاضرگچه مذکور تومنلرگه دولتی کوچ یوباریلمهگن.
تولک ولسوالی محمدرفیق اعلم و تیوره ولسوالی سلیمان یوسفی نینگ ایتیشیچه، اوتگن نیچه کونده مذکور ولایت نینگ تولک و شهرک تومنلریده مردمی کوچلردن 8 تهسی هلاک و باشقه 26 تهسی یرهلنگن.
اولرنینگ آگاهلنتیریشیچه، بو ولایت نینگ غربی تومنلرینی خوفسیزلیک وضعیتی گه دقت قیلمهگن صورتده، مذکور تومنلردن بیرقطاری، طالبان گروهی نینگ قولی گه سقوط قیلهدی.
شونینگدیک، غور ولایت کینگشی اعضاسی عبدالحمید ناطقی، مذکور ولایت نینگ غربی تومنلری وضعیتی نی خواطرلی بیلیب ایتیشیچه، طالبان گروهی تولک تومنی نینگ مناره و گاوکش منطقهلری اوستیگه اویوشتیرگن هجوملریده محل یشاوچیلری نینگ اویلریدن بیرقطاری نی اوتگه یاندیرگن.
عین حالده، غور حاکمی سوزلاوچیسی عبدالحی خطیبی نینگ ایتیشیچه، طالبان گروهی غور، بادغیس، هرات، فراه و هلمند ولایتلریدن جنگریلرینی چقیریب غورنینگ غربی تومنلریده توپلهگن، بیراق ولایت مرکزیده هوا کوچلری شامل ییترلیچه امنیتی کوچ موجود و بو کوچلر تیزلیککه طالبان گروهی نینگ قتهغن قیلیش اوچون حربی عملیات یولگه قویهدی.
جناب خطیبی نینگ ایتیشیچه، مذکور ولایت نینگ غربی تومنلری اوستیگه طالبان گروهی نینگ نیچه هجومی ده مذکور گروه آغیر قربانلیک بیرگن، بیراق قربانلیک رقمی بیللی ایمس دیر.
