بوگون «چهارشنبه» کابل‌ده خبری بیر ییغین اوتکزگن افغان-ترک مکتب‌لری نینگ مسؤوللری و مذکور مکتب‌لرگه تیگیشلی اوقووچی‌لر عایله‌وی کمیته‌سی نینگ ایتیشیچه، ترکیه معارف قوریلمه‌سی قانون گه قرشی قیین‌چیلیک‌لر ایجاد قیلیب و بو تعلیمی اداره نینگ ایش جریانینی بیکار قیلیش اوچون سعی و حرکت قیله‌دی.
اولرگه کوره، ترکیه معارف قوریلمه‌سی افغانستان امنیتی کوچلری نینگ همکارلیگی‌ده بو مکتب‌لرنی اوستیگه هجوم قیلیشنی ایسته‌یدی.
اوشبو ییغینده افغان-ترک مکتب‌لریگه تیگیشلی اوقووچی‌لر عایله‌وی کمیته‌سی باشلیغی یوسف پشتون نینگ ایتیشیچه، ترکیه دولتی و افغانستانده باشقه بیر نیچه کیشی افغان-ترک مکتب‌لرینی قیین‌چیلیک‌که دوچ قیلگن.
ترکیه حکومتی بو مملکت‌ده یوز بیرگن نتیجه‌سیز دربه دن سونگ، افغان-ترک مکتب‌لرینی اوز نظارتی گه آلیش اوچون سعی و حرکت گه باشله‌دی.
ترکیه دولتی افغان-ترک مکتب‌لرینی نیچه موضوع توغریسیده عیب‌لگن. بیراق، افغان-ترک مکتب‌لری نینگ مسؤوللری و مذکور مکتب‌لرگه تیگیشلی اوقووچی‌لر عایله‌وی کمیته‌سی، اوشبو مکتب‌لرگه قرشی کیریتیلگن عصیانچیلیک و باشقه عیب‌لاولرنی رد قیله‌دیلر.
شو توغریده…
