افغانستان ایچکی ایشلر وزیرلیگی مسؤوللری نینگ ایتیشیچه، مذکور حربی قطعه کابل شهردارلیگی رهبرلیگیده ایچکی ایشلر وزیرلیگی بیلن اویغونلیکده ییر غصب قیلووچیلر، اختیاری شکلده بنا قورهدیگنلر و شهری تخلفلرنینگ آلدینی آلهدی.
تشکیل ایتیلیشیدن خبر بیریلگن حربی قطعه توغریسیده بوگون ایچکی ایشلر وزیرلیگی و کابل شهردارلیگی آرهسیده بیر شرطنامه امضاءلندی.
اوشبو شرطنامه اساسیده، کابل شهردارلیگی رهبرلیگیده بولهدیگن 409 کیشیلیک حربی قطعه ایچکی ایشلر وزیرلیگی اویغونلیگیده ییر غصب قیلووچیلر، اختیاری شکلده بنا قورهدیگنلر و شهری تخلفلرگه توسیق بولهدی.
ایچکی ایشلر وزیرلیگی سرپرستی مسعود اندرابی نینگ ایتیشیچه، بوندن کیین 409 کیشیلیک حربی قطعهدن باشقه، مذکور وزیرلیک نینگ هیچ بیر ایشلاوچیسی کابل شهریده بلند منزل قوریش ایشلریده دخالت قیلمهیدی.
اوشبو ییغینده کابل شهرداری ذکی سرفرازنینگ ایتیشیچه، کابل شهری رواجلنیشی و دایمی شکلده کنترول قیلینیشی اوچون شهری لایحهلر تیزیلیشی کیرهک.
کابل شهردارلیگی تامانیدن بیریلگن رقم اساسیده، اوشبو شهرده 70% دن آرتیق بلند منزللر اختیاری و قانونی رخصتسیز قوریلگن.
