بلخ ولایتی بوییچه ساغلیق‌نی سقلش ریاستی مسووللری، اوتگن ییلده نسبت‌دن قاره‌زردی کسل‌لیگی کوپه‌یگنی‌دن خبر بیرگنلر.
اولرنینگ ایتیشیچه، اوتگن ییلده بلخ ولایتیده بیر کسلخانه 188 قاره‌زردی واقعه‌سی رویخط‌که آلینگن ایدی، بیراق جاری ییلده یالغیز بیر آی‌ده 34 کسل بو مرکزگه مراجعت قیلگن و بو جمله‌دن 14 ته‌سی عیال دیر.
بلخ ولایتی بوییچه ساغلیق‌نی سقلش ریاستی نینگ مصلحتی و آزمایشی مرکز مسوولی محمدمحسن نینگ ایتیشیچه، هر کون 10-20 کیشی بو مرکزگه مراجعت قیله‌دی و بو جمله‌دن 2 کیشی‌سی قاره‌زردی کسللیگی‌گه یولیقگن دیر.
جناب محسن‌گه کوره، داکترلر تامانیدن قاره‌زردی‌گه یولیقگن کسللرنینگ ناتوغری تشخص و درمان ایتیلیشی و اوشبو کسللیک‌نی درمان‌لش اوچون ایترلیچه امکانیت بولمه‌گنی بو کسللیک‌نینگ کوپه‌یشی‌گه سبب بولگن.
قاره‌زردی کسللیگی‌گه یولیقگنلرنینگ ایتیشیچه، کسل بولگن‌لری سبب، قطار اداره‌لرده اولرنی ایش‌گه آلمه‌یدی.
افغانستانده قاره‌زردی کسللیگی‌گه یولیقگن‌لردن بیللی ارقام یوق، بیراق داکترلرنینگ ایتیشیچه، بو کسللیک‌که یولیقگنلرنینگ ارقامی کون اوتیش بیلن کوپه‌یب بارماقده.
