هلمند ولایتیده اوزینینگ «مستعار آت» جانمحمد دیب تانیشتیرگن اوشبو حربی عسکرنینگ ایتیشیچه، یاشی 30 ده دیر و پکتیا ولایتیدن بولهدی، بیراق حاضر ناتینچ بولگن هلمند ولایتیده حربیلیک وظیفه بیلن شغللنهدی.
ملی اردو اوشبو عسکری هلمند ولایتی نینگ ایریم تومنلریده وظیفه انجام بیرگن و کوپ قطار عملیاتلرده اشتراک قیلگن دیر.
جانمحمد نینگ ایتیشیچه، حربی تعلیماتنی کابلده کورگن و هرقندی قورالدن قولنه آلهدی. اونینگ کوپهیتیریشیچه، بو دور تعلیماتده عملیاتی تخنیکلر و تینچ اهالیدن حفاظت قیلیش خصوصیده تعلیم کورگن.
ملی اردو اوشبو عسکری نینگ ایتیشیچه، وظیفه گه باشلهگن چاغده ناتینچ ولایتلردن بیریگه باریش آرزوسیگه ایدی و انهشوسبب، هلمند ولایتینی انتخاب قیلگن و کوپ قطار تنیچ اهالی جانلرینی قوتقرگن دیر.
اونینگ کوپهیتیریشیچه، اهالی و عسکرلرنینگ رابطهسی صمیمی و ایسیق دیر و هیچ قچان اولر آرهسیده قیینچیلیک ایجاد بولمهگن.
جانمحمد نینگ ایتیشیچه، وظیفه جریانیده تینچ اهالی بیلن روپهره بولهدی و اولر عسکرلرنینگ کورگنیدن خرسندلیک بیلدیرهدی، چونکه تینچ اهالی خوفسیزلیگی تامینلش اوچون اولرنینگ سعی و حرکت قیلیشلرینی بیلهدیلر.
اونینگ ایتیشیچه، عملیات جریانیده اولرگه بیریلگن روحیه و یاردملر امنیتی کوچلرنینگ موفقیتلریگه سبب بولهدی، چونکه اولر بیر خاص هدف اوچون کورهشهدیلر.
ملی اردو اوشبو عسکری، افعانستان اینقسه هلمند یشاوچیلریدن اهالی و توپراقلریدن حفاظت قیلیش اوچون ملی اردو قطاریگه قوشیلیشینی سورهگن.
