افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد، اوتگن کون جمهور رئیس غنی بیلن اوچره‌شگن.
اوشبو اوچره‌شوودن سونگ، جناب خلیلزاد اوز توییتر صحیفه‌سیده یازیب ایتیشیچه، تینچلیک سوزلشوولرینی بو دوریده افغانستانلیک‌لر اشتراکی باشقه هر زماندن کوره کوپراق بوله‌دی و شونینگدیک، تینچلیک سوزلشوولر جریانی ینگی باسقیچ گه کیره‌دی.
شونینگدیک، جمهورلیک ریاستی سرایی دن نشر ایتیلگن اعلامیه‌ده ایتیلیشیچه، آمریکا و طالبان گروهی نماینده‌لری آره‌سیده اوتکزیله‌دیگن تینچلیک سوزلشوولری 7- دوری ده «افغانلر ارا» سوزلشوولر باشله‌نیشی خصوصیده امیدوارلیک‌لر موجود.
سیاسی ایش بیلرمانلردن بیرقطاری نینگ ایتیشیچه، تینچلیک سوزلشوولرینی ینگی باسقیچی ده طالبان گروهی افغانستان حکومتی بیلن مذاکره قیلیش گه حاضر بوله‌دی.
سیاسی ایش بیلرمان محمود حیدری نینگ ایتیشیچه، تینچلیک سوزلشوولری 6- دوری ده افغانستان دولتی اشتراک قیلمه‌گن ایدی و بو موضوع تینچلیک سوزلشوولر نتیجه‌سیزلیگی گه سبب بولدی.
سیاسی ایش بیلرمانلردن باشقه بیری وحید مژده، امریکا و طالبان گروهی نماینده‌لری آره‌سیده اوتکزیلیشی کوتیلگن تینچلیک سوزلشوولری 7- دوری گه نسبتن خرسندلیک بیلدیره‌دی.
شونینگدیک، کابل بوییچه امریکا ایلچی‌خانه‌سی بیر اعلامیه نشر قیلیب، آمریکا و طالبان گروهی نماینده‌لری آره‌سیده اوتکزیلیشی کوتیلگن تینچلیک سوزلشوولری 7- دوری نی حساس دیب و تینچلیک جریانیده افغانستانلیک‌لر حضوری اوستیگه تأکید قیلگن.
عین حالده، تینچلیک عالی کینگشی سوزلاوچیسی احمد جاوید، تیزلیک‌که «افغانلر ارا» سوزلشوولر باشله‌نیشی خصوصیده امیدوارلیک بیلدیره‌دی.
بوندن آلدین، آمریکا تشقی ایشلر وزیرلیگی نینگ اعلان قیلیشیچه، منطقه مملکت‌لریگه زلمی خلیلزادنینگ ینگی دور سفری باشله‌نیب و 28- جوزا گچه دوام ایته‌دی و بو جریانده جناب خلیلزاد افغانستان، پاکستان، قطر، بلژیک، آلمان و عرب بیرلشیک اماراتی دن کوریب چیقه‌دی. اوشبو کوریب چیقیش‌لردن مقصد آمریکا و طالبان گروهی نماینده‌لری آره‌سیده اوتکزیلیشی کوتیلگن تینچلیک سوزلشوولری 7- دوری باشله‌نیشی دیر.
