افغانستان اساسی قانونی نینگ 61- مادهسی اساسیده، جمهور رئیس نینگ ایشی بیشینچی ییل، 1- جوزا و جمهورلیک ریاستی سیلاوی اوتکزیلگنیدن سونگ یکونلنهدی.
اساسی قانوننی اوشبو مادهسی اساسیده، سیلاو جوزا آیی دن ایلگری یولگه قوییلیب و ینگی جمهور رئیس، 1- جوزا دن سونگ ایشی گه دوام بیریشی کیرهک.
عین حالده، جمهورلیک ریاستی سیلاوی تعیین ایتیلگن زمانیده یولگه قوییلمهدی و جمهور رئیس غنی ایسه، جمهورلیک ریاستی نامزدلری نینگ قرشیلیکلریگه قرهمهی، اساسی قانوندن باش محکمه تفسیری اساسیده، 1- جوزا دن کیین ایشی گه دوام بیریشی اوستیگه تأکیدلهدی.
جمهورلیک ریاستی نامزدلر کینگشی، 1- جوزا دن سونگ جمهور رئیس نینگ ایشی دوام قیلیشی نی نامشروع و قانون گه قرشی دییدی.
محمدحنیف اتمر سیلاو تیرمه جماعهسی سوزلاوچیلریدن بیری محمد واعظی نینگ سلاموطندارگه ایتیشیچه، قانون اساسیده 1- جوزا دن کیین جمهور رئیس نینگ ایشی دوام قیلیشی نامشروع دیر و جمهور رئیس نینگ ایشی نی دوامی مملکت ده اجتماعی و سیاسی قیینچیلیک یرهتهدی.
جناب واعظی گه کوره، جمهورلیک ریاستی نامزدلر کینگشی کیلهجک کونلرده باشکینت و ولایتلرده ناراضیلیک نمایش یولگه قویهدیلر.
شونینگدیک، سیاسی ایش بیلرمان غلامفاروق اسکندری نینگ ایشانچی گه کوره، 1- جوزا دن سونگ، جمهور رئیس نینگ ایشی نی دوامی افغانستانده قانون شکنلیک مدنیتی نی کوچلنتیرهدی و دولت بیلن یشاوچیلر آرهسیدهگی ایشانچ نی یوق ایتهدی.
جناب اسکندری گه کوره، اساسی قانون نینگ 61- مادهسی آچیق دیر و باشقه ادارهلر تامانیدن تفسیر قیلینیشی گه هیچ بیر نیاز یوق دیر.
اسکندری نینگ کوپهیتیریشیچه، اوشبو وضعیت دوام قیلگن صورتده، افغانستان هیچ قچان اقتدارلی و مردمسالار توزوم گه ایریشمهیدی.
عین حالده، سلاموطندارگه صحبت بیرگن جمهور رئیس سوزلاوچیسی اورین باسری شاهحسین مرتضوی نینگ ایتیشیچه، سیاستچیلرنینگ بیاناتی حقوقی و قانونی ایمس دیر.
جناب مرتضوی گه کوره، هر بیر حرکت قانون گه قرشی و قانونسیزلیک سنلهدی و سیاستچیلرنینگ حقوقی و قانونی دلیلی بولگن صورتده، خلق بیلن شریک قیلسینلر.
شونینگدیک، ایکی کون آلدین کابلده جمهورلیک ریاستی نامزدلر کینگشی خبری بیر ییغین اوتکزیب، 1- جوزا دن سونگ جمهور رئیس ایشنی دوام ایتتیریشینی اساسی قانون گه قرشی بیلیب ایتیشیچه، جمهور رئیس غنی ایشینی دوام ایتتیریشی گه توسیق بولیش اوچون هر بیر قانونی ورینت دن فایدهلنهدی.
شو توغریده…
سیلاو نامزدلری: 1- جوزا دن سونگ حاضرگی حکومت دوامی قانون گه قرشی دیر
