.jpg)
جمهورلیک ریاستی ملی خوفسیزلیک کینگشی مصلحتچیسی حمدالله محب، کابل شهریده جایلشگن کونتر پارت دفتری اوستیگه طالبان گروهی تامانیدن اویوشتیریلگن هجوم‌دن ساعت اوتمه‌ی ییریک بیر امنیتی هیأت بیلن بیرگه بگرام قماقخانه‌سیده‌گی طالب‌لرنی کورگنی بارگن.
جناب محب، محبوسلر بیلن اوچره‌شگنده اولرنینگ دوسیه‌لری تیکشیریلیشی خصوصیده ایشانچ بیرگن.
چهارشنبه کون کابل شهریده جایلشگن کونتر پارت ملکی دفتری اوستیگه طالبان گروهی تامانیدن اویوشتیریلگن هجوم ده 9 کیشی هلاک و باشقه 20 کیشی یره‌لنگن.
حمدالله محب نینگ بو ایشی مملکت یشاوچیلری نینگ اچیق عکس‌العمل‌لریگه روپه‌ره بولدی.
خودکش هجوملر قربانلریدن بیری عزیزنینگ ایتیشیچه، ملی خوفسیزلیک کینگشی مصلحتچیسی بگرام قماقخانه‌سیده‌گی طالب‌لرنی کوریش اورنی گه یره‌لنگن امنیتی عسکرلر و قربانلیک بیرگن عایله‌لر بیلن اوچره‌شیشی کیره‌ک ایدی.
عزیزگه کوره، بگرام قماقخانه‌سیده‌گی طالب‌لر بو گروه نینگ اینگ خطرلی باشلیغ‌لری دیر.
نماینده‌لر کینگشی نینگ سابق اعضاسی جعفر مهدوی، بگرام قماقخانه‌سیده‌گی طالب‌لر بیلن ملی خوفسیزلیک کینگشی مصلحتچیسی اوچره‌شیشی‌نی حکومت نینگ برنامه‌سیزلیگی‌دن دییدی.
.jpg)
بیراق، ملی خوفسیزلیک کینگشی سوزلاوچیسی طارق آرین نینگ ایتیشیچه، جناب محب بگرام قماقخانه‌سیده‌گی محبوسلر بیلن اوچره‌شگنده اولرگه برچه قیین‌چیلیک‌لری اینیقسه دوسیه‌لری اصولی و قانونی یوللردن تیکشیریلیشی توغریسیده ایشانچ بیرگن.
ملی خوفسیزلیک کینگشی سوزلاوچیسی نینگ ایتیشیچه، «حمدالله محب محبوسلر و نماینده‌لری بیلن اوچره‌شگنده، اولرنینگ ایستک‌لرینی ایشیتگن و کوپینچه ایستک‌لری جمهور رئیس تامانیدن کیچیریلیش‌لری، حبس مدتی کمه‌یتیریلیشی، اعاشه و یشش جایلرینی وضعیتی بولگن.»
جناب آرین گه کوره، ملی خوفسیزلیک کینگشی مصلحتچیسی بوتون محبوسلرنی نماینده‌لری بیلن اوچره‌شگن. بیراق ایچکی ایشلر وزیرلیگی قماقخانه‌لری باشلیغی عبدالحکیم کوهستانی نینگ سلام‌وطندارگه ایتیشیچه، بگرام قماقخانه‌سیده یالغیز طالبان و داعش گروهی محبوسلری سقلنه‌دی.
ملی خوفسیزلیک کینگشی مصلحتچیسی بگرام قماقخانه‌سیده‌گی طالب‌لر بیلن اوچره‌شگنیدن آلدین، اوتگن هفته تینچلیک مصلحتی قورولتای نی سونگی کونیده مملکت جمهور رئیسی محمداشرف غنی، حکومت یخشی نیت کورسه‌تیش اوچون افغانستان قماقخانه‌لریدن 175 طالب قوییب یوباریلیشینی ایتگن ایدی.
شو توغریده…
اوتگن کونگی قانلی هجوم؛ قربانی‌لر نیمه کورگن؟
