سلام‌وطندارگه صحبت بیرگن قطرده طالبان گروهی‌نینگ سیاسی دفتری نی سوزلاوچیسی سهیل شاهین‌نینگ ایتیشیچه، آمریکا هیأتی و طالبلر آره‌سیده‌گی سوزلشوولر رمضان باشله‌نیشی باعث توخته‌تیلگن ایدی و بوگون قیته‌دن باشلندی.
قطرده طالبان گروهی‌نینگ سیاسی دفتری نی اورین باسری گه کوره، سوزلشوولرنینگ اوشبو دوریده آمریکا عسکرلری‌نینگ افغانستاندن چیقیشی و باشقه مملکتلر افغانستان توپراغیدن تهدید بولمه‌سی توغریسیده بیرآز کیلیشیلگن.
اونینگ ایتیشیچه، طالبلر آمریکا عسکرلری‌نینگ افغانستاندن چیقیشی خصوصیده حاضرگه قدر سابق موضعی اوستیگه اورغوله‌گن.
شو توغریده:
قطر ییغینیده طالبان اسلامی امارت آتی تینچلیک شرطنامه‌سیده کیریتیلیشینی ایسته‌گن
قطرده عیاللر حقوقی فعاللریدن بیرقطاری طالبان نماینده‌لری بیلن اوچره‌شگن
تینچلیک سوزلشوولری جریانینی اوشبو دوریده ایکی تامان ایجابی بیر نتیجه گه ایریشمه‌گن صورتده، باشقه دور سوزلشوولر باشلنه‌دیمی یا-ده یوق سوراققه جواب قطرده‌گی طالبان گروهی نی سیاسی دفتری سوزلاوچیسی نینگ ایتیشیچه، بو موضوع سوزلشوولر جریانی گه باغلیق بوله‌دی.
اونگه کوره، قطار موضوعلر اوستیگه تیزلیککه کیلیشیش ممکن و باشقه قطار موضوعلر اوستیگه کیینچه‌لیک.
افغانستان تینچلیک بوییچه آمریکا خاص نماینده‌سی زلمی خلیلزاد حاضرگه قدر نیچه مرته طالبان نماینده‌لری بیلن قطر ده اوچرشدی، بیراق ایکی تامان حاضرگچه اساسی کیلیشوو گه قول تاپمه‌گن.
