بغلان اعتراضلرینی ریجهلشتیرگنلردن بیری ذبیحالله رستمی نینگ سلاموطندارگه ایتیشیچه، اوتگن کون کیچ قورون امنیتی کوچلر اعتراضچیلرگه قرشی اوق آتگنلر و بو اوق آتیش نتیجهسیده 1 کیشی هلاک و باشقه 6 کیشی یرهلنگن.
عین حالده، بغلان ولایتی کسلخانهسینی باشلیغی محمدانور وردک نینگ ایتیشیچه، اوتگن کون کیچ قورون بیر جسد و 4 یرهلی بو کسلخانه گه انتقال بیریلگن. اونگه کوره، واقعه یرهدارلرینی احوالی یخشی بولگن.
شوندهی بیر حالتده ایچکی ایشلر وزیرلیگی سوزلاوچیسی نصرت رحیمی نینگ ایتیشیچه، اوتگن کون یوز بیرگن واقعه توغریسیده امنیتی کوچلر تیرگاو باشلهگن و بو توغریده بولگن آرتیچه معلومات کیین اعلان ایتیلهدی.
بغلان تومنلری نینگ یشاوچیلریدن یوزلرچهسی بغلان ولایتی کینگشی نینگ سابق اورین باسری محبوبالله غفاری توتقونگه آلینگنی گه قرشی اعتراض بیلدیریب کابل-شمال قتناو یولی نی ایکی کوندن بویان ترافیک یوزیگه باغلب غفاری قوییب یوباریلیشی نی سورهگنلر.
ذبیحالله رستمی نینگ ایتیشیچه، اعلان ایتیلگن سیلاو نتیجهسینی اولر قبول قیلمهیدی و سونگی رویخط ده یول تاپگن کیشیلردن کوپینچهسی نینگ سیلاو ساختهکارلیکلریگه قولی بار.
عین حالده، سلاموطندارگه صحبت بیرگن بیر منبع نینگ ایتیشیچه، اعتراضچیلرنینگ نیچه قدملیگی و پلخمری شهری نینگ پلمعدن منطقهسیده 304 تیپلی بیر موتر یولده ییرلشتیریلگن ماین گه دوچ کیلگن و نتیجهده بیر تینچ اهالی یرهلنگن.
شونینگدیک، بغلان پولیس قومندانلیگی سوزلاوچیسی احمدجاوید بشارت، یوز بیرگن واقعهده بیر تینچ اهالی یرهلنگنینی تصدیقلیدی.
شو توغریده…
بادغیسده ناتینچلیکلر کوپهیگنی باعث، اوشبو ولایت یشاوچیلری اعتراضبیلدیرگنلر
