پاکستان باش وزیری‌نینگ ایتیشیچه، بوندن سونگ، افغانستانده تینچلیک تامین ایتیلیشی خصوصیده هیچ‌قندی مصلحت بیرمه‌یدی.
قطار میدیالرنینگ گزارش‌لریگه کوره، پاکستان باش وزیری عمران خان نینگ اوتگن کونی پاکستان‌نی اورکزی منطقه‌سیده بیر ییغینده ایتیشیچه، بوندن سونگ، افغانستانده تینچلیک تامین ایتیلیش اوچون «یالغیز دعا قیله‌دی.»
اونینگ کوپه‌یتیریشیچه، افغانستانده تینچلیک تامین ایتیلگن صورتده، پاکستانده سوداگرلیک فعالیت کوپه‌یدی.
افغانستان تینچلیک سوزلشوولری خصوصیده عمران خان نینگ سونگی بیانات‌لری واکنش‌لر بیلن روپه‌ره بولگن ایدی. افغانستان قطار سیاستچی‌لری و یشاوچی‌لری بو بیانات‌لرنی افغانستان ایچکی ایش‌لریگه دخالت عنوان قیلگن ایدیلر.
او ایکی فرقلی ییغیندن بیریده افغانستان حکومتی‌نی تینچلیککه توسیق عنوان قیلیب و ایکینچی ییغینده افغانستانده «موقت حکومت» ایجاد ایتیلگن صورتده، تینچلیک تامین ایتیله‌دی دیگن ایدی.
عمران خان بو صحبت‌لردن سونگ، «موقت حکومت» ایجاد ایتیلیشی خصوصیده بولگن بیانات‌لرینی «ایناغه‌لیک بیر مصلحت» عنوان قیلگن ایدی.
