بوگون «دوشنبه» البیرونی نمایشی شهرچهسینی یشاوچیلریدن یوزلرچهسی غزنی معارف ریاستی نینگ برابریده توپلهنیب شعار بیریشلریچه، مکتبلرنی قومی، سیاسی و مذهبی قیلمنگیزلر.
معارف ریاستی برابریده تحصن خیمه اورگن اعتراضچیلرنینگ ادعا قیلیشیچه، غزنی معارف ریاستی آلگن قراری بیلن اهالی آرهسیده قرهمه قرشیلیک ایجاد قیلهدی.
اعتراضچیلرنینگ ایتیشیچه، غزنی معارف ریاستی نینگ باشلیغی، البیرونی شهرچهسیدهگی قیزلرگه خاص مکتب ییرینی خاص بیر قوم گه بیرگن و بوندهی قرارلر اتفاقسیزلیک و قومی تعصبلرگه سبب بولهدی.
عین حالده، غزنی معارف ریاستینی باشلیغی محیبالرحمان انصارنینگ ایتیشیچه، البیرونی شهرچهسیده فارسی تیلیگه درس بیریلهدیگن قیزلرگه خاص مکتبی و پشتو تیلی گه درس بیریلهدیگن ابراهیم خلیلالله مکتبی آرهسیده اوشبو ییر اوستیگه بولهدیگن دعوا 9 ییلدن بویان دوام ایتهدی.
غزنی معارف ریاستینی باشلیغی گه کوره، ولایت حاکمی سونگی کونلرده اوشبو موضوع تیکشیریلیشی اوچون بیر هیأت تعیین قیلگن، بیراق مذکور هیأت تدقیقاتی نتیجهسیز یکونلنگن.
غزنی معارف ریاستینی باشلیغی، اعتراضچیلرنینگ نمایندهلریدن اعتراض دن قول تارتیب و بو موضوع نی مذاکره بیلن حل قیلیشینی سورهگن.
