هرات شهردارلیگی نینگ بیر مینگ‌دن آرتیق ایشلاوچیسی ایش تشله‌گن‌لر.
هرات ولایت کینگشی نینگ باشلیغی کامران علیزایی نینگ طرفدارلری و مذکور ولایت یشاوچیلریدن بیرقطاری، ولایت شهرداری چیکلنتیریلیشی اوچون اعتراض بیلدیرگنلریدن بیر کون اوتگنیدن سونگ، بوگون هرات شهردارلیگی نینگ بیر مینگ دن آرتیق ایشلاوچیسی ایش تشله‌گن‌لر.
هرات شهرداری محمدداوود انوری، مذکور اداره نینگ 1200 ایشلاوچیسی بیلن بیرگه ترقی پارکی ده توپله‌نیب و مذکور ولایت نینگ ولایت کینگشی باشلیغی کامران علیزایی نینگ شهردارلیک ایشلریده آچیق شکلده دخالت قیلیش گه عیب‌لگن.
جناب انوری، ولایت کینگشی باشلیغی نینگ طرفدارلری تامانیدن شهردارلیک برابریده تحصن خیمه قوریلگنینی مذکور اداره ایشلاوچی‌لری اوچون قبول قیلینمس دیب ایتیشیچه، استعفاءسینی شهردارلیک عایله‌سی، شهر کینگشی و گذر وکیل‌لریگه بیریش گه تیار دیر؛ بیراق کامران علیزایی، والی و حکومت نینگ ایسته‌گی بیلن استعفا بیرمه‌یدی.
هرات شهردارلیگینی اورین باسری مرجان غوریانی، حکومت دن بو موضوع اساسی شکلده حل قیلیشینی سوره‌یدی.
بیراق، هرات ولایت کینگشی باشلیغی کامران علیزایی نینگ ایتیشیچه، بو کینگش نینگ اعضالریگه قوشیمچه، باشقه نیچه اداره هم هرات شهرداری نینگ ایشلریگه قرشی اعتراض بیلدیرگن‌لر.
عین حالده، هرات یشاوچیلریدن بیرقطاری، ولایت کینگشی باشلیغی و شهردار آره‌سیده‌گی جنجل‌لر دوامیدن تنقید قیلیب ایتیشیچه، اوشبو جنجل‌لر باعث، هرات شهری نینگ قیته‌قوریش جریانی ایس دن چیقاریلگن.
