بامیان ولایتیده کوپینچه یامغیر و قار یاغیشلر باعث، قطار تاریخی آبدهلر نابود بولیش خطری بیلن روپهره بولگن.
بامیانده معلومات و مدنیت ادارهسی مسووللرینینگ ایتیشیچه، اوتگن ییل قیش موسومیده کوپینچه قار و یامغیر یاغیشی باعث، اوشبو ولایت تاریخی آبدهلری اینقسه گنبد و منارهسی بولگن تاریخی آثارلر نابود ایتیلیش خطر بیلن روپهره بولگن.
بامیان ولایتیده معلومات و مدنیت ریاستینی تاریخی آبدهلر مدیری حمید جلیا نینگ سلاموطندارگه ایتیشیچه، ضحاک شهری، غلغله شهری، سرخوشک شهری، چهلبرج تاریخی آبدهلری و شونینگدیک، دره فولادی، باریکیشیدان و قلعه کافری منارهلری تخریب ایتیلیش خطری بیلن روپهره بولگن.
جناب جلیا گه کوره، معلومات و مدنیت وزیرلیگی بو توغریده دقت قیلمهگن صورتده، مذکور تاریخی آبدهلرنی نابود بولیشی ممکن.
عینحالده، بامیان فرهنگی فعاللریدن بیرقطاری نینگ ایتیشیچه، اوشبو ولایت تاریخی و فرهنگی آثارلریدن میلیونلرچه افغانی دولت خزانهسیگه کیرهدی، بیراق مملکت فرهنگی و تاریخی آثارلرینی سقلش اوچون حکومتی دقت قیلمهیدی.
شوتوغریده…
بامیان فرهنگی فعاللریدن بیری لایق احمدی نینگ ایتیشیچه، اوشبو ولایت فرهنگی و تاریخی میراثلرینی سقلش خصوصیده دقت بولمهگن صورتده، 8 تاریخی میراث نینگ یونسکو سازمانینی رویخطیدن چیقاریلیشی ممکن.
شونینگدیک، بامیان فرهنگی فعاللریدن باشقه بیری رضا اهورا نینگ ایتیشیچه، بودا مجسمهلرینینگ ییقینلریده اهالی تامانیدن غیرقانونی بنا قوریلیشنی دوامی بار.
عینحالده، بامیانده معلومات و مدنیت ادارهسینینگ مسووللریگه کوره، اوشبو ولایت تاریخی آثارلریدن بیرقطاری معلومات و مدنیت وزیرلیگی تامانیدن تیکشیریلگن و جاری ییلده اولرنینگ قیتهقوریلیشی ممکن.
بامیان مملکت مرکزیده جایلشگن ولایتلردن بولیب زردشتی، بودایی و اسلام دوریدن کوپ قطار باستانی آثارلر اوشبو ولایتده قالگن، بیراق مذکور تاریخی و فرهنگی آثارلردن کوپ قطاری طبیعی واقعهلر و ایچکی اوروشلرده تخریب ایتیلیب و یا-ده تاراج قیلینگن.
