.jpg)
افغانستاننینگ ساحلی فوتبال ملی تیرمه جماعهسی نیچه آیدن بویان ایرانیلیک مربی نینگ نظریده تمرین قیلردی و یولگه قوییلگن بیلشوولر جریانیده بیر یوتوققه ایریشگنده هم جاری ییل اوشبو بولیمنینگ خلق ارا بیلشوولری گه یول تاپه آلمهدی.
مذکور تیرمه جماعه میثم آشتیانی نینگ نظریده اوشبو بولیمنینگ آسیا بیلشوولرینی الف گروهیده جای آلیب بیر یوتوق و ایکی یوتوقسیزلیک بیلن بیلشوولر دوامیدن چیکلنتیریلگن.
ایتیلیشیچه، ساحلی فوتبال نینگ خلقارا جامی بو ییل پاراگوئه میزبانلیگیده یولگه قوییلهدی و شونینگدیک آسیا مملکتلریدن 3 تیم اشتراک قیلهدی.
اوتگن کون افغانستاننینگ ساحلی فوتبال ملی تیرمه جماعهسی اوشبو بیلشوو میزبانی تایلند تیمی برابریده میدان گه چیقدی و 2-0 نتیجه بیلن مغلوب بولدی.
ایتیش کیرهک کیم، افغانستاننینگ ساحلی فوتبال ملی تیرمه جماعهسی آسیالیک جام بیلشوولرده بیرینچی اویینیده مالزیا تیمی برابریده میدان گه چیقدی و قوشیمچه وقت گه 2-3 نتیجهسی بیلن مالزیا تیمی اوستیگه غالب چیقیب و ایکینچی اویینیده 2-3 نتیجه بیلن فلسطین ملی تیمی گه مغلوب بولدی.
شهاب علوی، رووف قادی و سمیع محمدی اوچ اویین گه 5 گل گه ایریشگن کیشیلر دیر.
.jpg)
ساحلی فوتبال نینگ آسیالیک اویینلری 16 آسیالیک تیم حضوری بیلن جاری میلادی ییل نینگ 7- مارچ گه باشلنگن و 17- مارچ و اوشبو اویینلریگه غالب چیققن تیم اعلام ایتیلیشی بیلن یکونلنهدی.
مذکور بیلشوولرگه بیرینچی، ایکینچی و اوچینچنی مقام گه ایگه بولگن تیملر آسیا نمایندهلری صفتیده پاراگوئه ده یولگه قوییلهدیگن خلق ارا جام گه کیتهدیلر.
ساحلی فوتبال نینگ آسیالیک اویینلری هر ایکی ییلده آسیالیک مملکتلردن بیریسی گه یولگه قوییلهدی و افغانستان اوز گروهی گه اوچینچی مقام و 13 تیم آرهسیده 6- مقام نی قولگه کیلتیرگن.
