افغانستان کریکت تیمی اوتگن کون چهارشنبه تورت کونلیک بیر اویینده میزبانلیک سریلانکا تیمینی 69 یوگیریشده شکست بیردی. افغانستان کریکت بورد تیمی نینگ خبرنامهسیده، افغانستانلیک اویینچیلر سریلانکا تیمی اوچون 290 یوگیریش تعین قیلیب، اما رقیب تیم اون بیر اویینچی نی قولدن بیریش بیلن 221 یوگیریش بیلن اوییندن چیقققن دیگن.
خبرنامهگه کوره، اوشبو تورت کونلیک بیلشووده افغانستان تیمی بیرینچی کونده 158 یوگیریشده حذف بولیب، اما بیلشوونینگ ایکینچی کونیده بو تیم اوزیدن یخشی فعالیت کورسهتیب، نجیبالله زدران و نورعلی زدرانلر 412 یوگیریش بیلن سریلانکانی شکست بیریشگه موفق بولگن. شونینگدیک بو اویینده حمزه هوتک حریف تاماننینگ سکیز اویینچیسینی چیقاریشگه موفق بولگن.
افغانستان کریکت تیمینینگ باش مربی رییس احمدزی نینگ سلام وطندارگه ایتیشیچه، افغانستان تیمی بیر مشقی اویینده ایرتهگه قیتهدن سریلانکا تیمی بیلن چیقهدی. بیرینچی اویینده اشتراک قیله آلمهگن اویینچیلرگه، ایکینچی اویینده فرصت بیریلیشی ایتیلهدی.
ایتیش لازمکه، افغانستان کریکت تیمی نینگ الف رویخطیگه رحمتالله شاهزرمتی، نجیبالله زدران، نورالحلق ملکزی، افسرخان زازی، قسیم اوریاخیل، ناصرجمال احمدزی، حشمتالله شهیدی، فریدملک، سیدشیرزاده، ظاهرخان، نورلی زدران، عبدالله عادل، شبیرنوری، یامین احمدزی، حمزه ختک، ضیاالحق و عیساخیللر دن عبارت. اوشبو اویینچیلر ایکی هفتهلیک تکنیکی اورگهنیشلرنی کورگندن سونگ سریلانکاگه سفر قیلگنلر.
