مملکت ملی بیرلیک حکومتی نینگ اجراییه باشلیغی گه کوره، افغانستان عصیانچیلرنینگ اویه‌سیگه اوزگرمه‌سی خصوصیده طالبان آرقه‌لی بیریلگن ضمانت مملکت یشاوچیلری و دنیا جماعه‌چیلیگی تامانیدن قبول قیلینمه‌یدی.
بوگون «دوشنبه» وزیرلر کینگشی ییغینیده نطق سوزله‌گن ملی بیرلیک حکومتی‌نینگ اجراییه باشلیغی عبدالله عبدالله، اوشبو مطلب نی بیان قیلیب ایتیشیچه، وحدت اسلامی حزبی نینگ سابق رهبری عبدالعلی مزاری نینگ اولیمی‌نی 24- ییل‌لیگی دن نشانلش مراسم اوستیگه آتیلگن هاوان افغانستانده عصیانچیلرنینگ حضورینی کورسته‌دی.
جناب عبدالله نینگ ایتیشیچه، افغانستانده تشقی کوچلرنینگ حضوریدن مقصد عصیانچیلرگه قرشی کوره‌ش دیر و افغانستان عصیانچیلرنینگ اویه‌سیگه اوزگرمه‌سی خصوصیده طالبان تامانیدن بیریلگن ضمانت طریقه‌سی توغری ایمس.
اجراییه باشلیغی نینگ ایتیشیچه، طالبان گروهی حکومت‌لرینی زمانیده هم آمریکاگه القاعده گروهی نینگ سابق رهبری اسامه بن‌لادن نظارت ده بولگنی توغریسیده ایشانچ بیرگن ایدیلر.
جناب عبدالله نینگ اورغولشیچه، افغانستانده اوروش یکونله‌نیب و چیت‌ایللیک عصیانچیلر بولمه‌گن حالده، مملکت ده تشقی کوچلرنینگ حضوری گه نیاز قالمه‌یدی.
آمریکا و طالبان گروهی نینگ نماینده‌لری آره‌سیده تینچلیک سوزلشوولری جریانی توغریسیده ملی بیرلیک حکومت اجراییه باشلیغی نینگ ایتیشیچه، مملکت یشاوچیلری تینچلیک سوزلشوولری سِرلی بولگنی توغریسیده خواطر بیلدیره‌دی.
شو توغریده…
عبدالله: طالبان گروهی تینچلیک‌که قرشی اینگ کته توسیق دیر
عبدالله: طالبان گروهی‌نینگ بوتون حرکت‌لری امتیاز آلیش اوچون ایکن
عبدالله عبدالله نینگ ایشانچی گه کوره، افغانستانلیک‌لر ارا سوزلشوولر زمینه‌سی یره‌تیلگن صورتده، بوتون سیاسی گروهلر اسلامی جمهوریت توزومیدن مدافعه قیلیش‌گه مسؤول دیر.
اونینگ ایتیشیچه، اسلامی جمهوریت توزومی افغانستان اهالیسی‌نینگ یوتوقی دیر و اوندن مدافعه قیلیش کیره‌ک.
عین حالده، قطر باشکینتی دوحه شهریده آمریکا و طالبان گروهی نینگ نماینده‌لری آره‌سیده یولگه قوییلگن تینچلیک سوزلشوولرینی بیشینچی دوری 14- کون گه کیردی و بو ییغین توغریسیده بولگن معلومات حاضرگه‌قدر میدیاگه چیقمه‌گن؛ بیراق طالبان گروهی گه یقین منبع نینگ ادعا قیلیشیچه، تینچلیک سوزلشوولرینی بو دوریده کیلیشوونامه‌نی اساسی قاعده‌سی اوستیگه کیلیشیلگن و یالغیز جزئیاتی اوستیگه بحث دوام ایتماقده.
