بوگون «دوشنبه» کابل‌ده مدنیت و معلومات وزیرلیگی، اوی و شهر قوریش وزیرلیگی، ملی موزیم و باشقه قطار اداره‌لر خبری بیر ییغین یولگه قوییب مملکت نینگ مدنی میراثلریدن حمایه قیلیش و سقلش ایامی‌نی نشانله‌گن‌لر.
اوشبو مسووللرنینگ ایتیشیچه، مملکت مدنی میراثلرینی حمایه قیلیش خصوصیده فعالیت قیله‌دیگن اداره‌لر، مدنی میراثلرنی سقلش اوچون بیرهماهنگ‌لیک بورد ایجاد قیله‌دیلر.
مدنیت و معلومات وزیرلیگی‌نی اورین باسری رسول باوری‌نینگ ایتیشیچه، سونگی ییللرده قولگه آلینه‌دیگن و قولگه آلینمه‌یدیگن مدنی میراثلرنی حمایه قیلیش اوچون سعی و حرکت‌لر صورت تاپگن.
مدنیت و معلومات وزیرلیگی‌نی اورین باسری‌گه کوره، حاضرگه‌قدر 5 مینگ تاریخی آثار مملکت‌ده تانیلگن.
اونینگ کوپه‌یتیریشیچه، بو جمله‌دن 1800 آثار رویخط گه آلینگن و باشقه 900 آثارگه لوحه نصب ایتیلگن.
شوتوغریده…
باوری‌نینگ ایتیشیچه، مملکت مدنی میراثلرینی حمایه قیلیش اوچون، بیرینچی مرته مملکت 8 ولایتیده سیمینار، کورگزمه، تیاتر و کنسرت یولگه قوییلگن.
مدنیت و معلومات وزیرلیگی مسووللریگه کوره، سونگی 50 ییل جریانیده هرات، قندهار، غزنی، ننگرهار و پروان ولایتلریده مدنی میراثلر اوستیگه تحقیقات صورت تاپگن.
اولرنینگ کوپه‌یتیریشیچه، ملی آرشیف‌نی ایلیکترونیکی توزه‌یتش لایحه باشلنگن و تیزلیکده بوتون تاریخی آثارلر و کتاب‌لر ایلیکترونیکی ایتیله‌دی.
