آتی سِر قالیشینی ایسته‌گن بیر منبع نینگ سلام‌وطندارگه ایتیشیچه، قطرده آمریکا نماینده‌لری و طالبان گروهی‌نینگ هیأتی آره‌سیده تینچلیک سوزلشوولری دوام ایتماقده و بو سوزلشوولر ینه 2 کون گچه دوام ایتیشی ممکن.
منبع گه کوره، آمریکا نماینده‌لری و طالبان گروهی‌نینگ هیأتی آره‌سیده یولگه قوییلگن تینچلیک سوزلشوولرینی جوزیلیش عاملی تشقی کوچلر افغانستاندن چیقیشی دیر.
منبع نینگ ایتیشیچه، طالبان گروهی تشقی کوچلر افغانستاندن 6 آیده چیقیشی اوستیگه تأکید قیلگن؛ بیراق آمریکانینگ ایتیشیچه، افغانستاندن اولرنینگ چقیشی گه کوپراق زمان کیره‌ک.
اوشبو منبع گه کوره، ایکی تامان ینه بیر بار باشقه مملکت‌لر اوچون تهدیدگه اوزگرمه‌سی توغریسیده کیلیشگن.
منبع نینگ ایتیشیچه، آتیش‌کیسین موضوعی اوستیگه هم بحث اوتکزیلگن و تشقی کوچلرنینگ چیقیشی توغریسیده کیلیشیلگن صورتده، آتیش‌کیسین هم اعلان قیلینه‌دی.
شو توغریده…
تینچلیک؛ آمریکا طالبان رهبرلری‌نینگ آت‌لری قاره رویخط‌دن چیقاریلیشینی ایسته‌یدی
زمرمن: تشقی کوچلرنینگ افغانستانده قالیشی تینچلیک سوزلشوولریگه باغلیق
عین حالده، طالبان گروهی‌نینگ سابق اعضاسی محمدحسن حقیارنینگ ایتیشیچه، قطرده آمریکا نماینده‌لری و طالبان گروهی‌نینگ هیأتی آره‌سیده افغانستاندن تشقی کوچلر چیقیشی و باشقه موضوعلرنی توغریسیده سوزلشوولر دوام ایتماقده و بو سوزلشوولر ایجابی نتیجه هم بیرگن.
میدیالر تامانیدن ترقه‌تیلگن گزارشلر اساسیده، پاکستان بوییچه افغانستان‌نینگ سابق ایلچیسی حضرت عمر زاخیلوال و تشقی ایشلر وزیرلیگی‌نینگ سابق سیاسی اورین باسری حکمت‌خلیل کرزی هم قطر کیتگن‌لر.
طالبان گروهی‌نینگ هیأتی و افغانستان تینچلیگی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد نینگ آره‌سیده یولگه قوییلگن تینچلیک سوزلشوولری کمیده بیر هفته آلدین قطرده باشلنگن؛ بیراق بو سوزلشوولرنی نتیجه‌سی حاضرگچه میدیالرده چیقمه‌گن.
