پاکستان حربی‌سی اوشبو مملکت‌نینگ هوایی حریمی هندوستان‌نینگ تیک اوچرلری تامانیدن نقض ایتیلگنیدن خبر بیرگن. پاکستان حربیسی‌نینگ سوزلاوچیسی آصف غفوری‌نینگ اعلام قیلیشیچه، هندوستان‌نینگ تیک اوچرلریدن بیری پاکستان نظارتیده بولگن کشمیر مرکزی مظفرآبادگه کیریش مقصدی بیلن کشمیر چیگره‌سینی نظارتی خطی‌دن اوتیب پاکستان‌نینگ هوای حریمی‌نی نقض قیلگن.
هندوستان نظارتیده بولگن کشمیرنینگ پلوامه منطقه‌سیده یوز بیرگن سونگی هجوم‌ده مذکور مملکت حربی‌لریدن 44 ته‌سی هلاک ایتیلگنیدن سونگ، هندوستان و پاکستان آره‌سیده‌گی قره‌مه قرشی‌لیک‌لر اوج آلدی.
کشمیرنینگ پلوامه منطقه‌سیده یوز بیرگن هجوم‌دن سونگ، هندوستان باش وزیری نارندرا مودی، هجومنی پاکستان گه نسبت بیریب ایتیشیچه، «بیز مناسب عکس‌العمل بیلدیره‌میز و قوشنی‌لریمیزگه بیزنینگ برقرارلیگیمیزنی برهم اوروش گه رخصت بیرمه‌یمیز.»
هند دولتی بو هجوم‌ده پاکستان‌نینگ قولی بارلیگی توغریسیده کیسکین حجت بولگنیدن خبر بیره‌دی، بیراق اسلام‌آباد بو هجوم بیلن هرقنده‌ی علاقه‌دارلیگی‌نی کیسکین رد قیله‌دی.
هندوستان تشقی ایشلر وزیرلیگی بیر خبرنامه ترقه‌تیب اعلان قیلیشیچه، «بیزلر پاکستان دولتی‌دن اوشبو مملکت ایچیده‌گی ترورچی‌لر و ترورچی گروهلرنینگ عملیات‌لرینی توخته‌تیب و بو گروهلرنینگ باش‌پناه‌لرینی نشان آلیب و نابود قیلیشی‌نی سوره‌یمیز.»
شونینگدیک، پاکستان تشقی ایشلر وزیرلیگی، یوز بیرگن هجومنی جوده هم خواطرلی بیر موضوع دیگن، بیراق بیر خبرنامه‌ده اعلان قیلیشیچه، «بیزلر هندوستان دولتی و میدیالر تدقیقات اوتکزمس‌دن بو هجومنی پاکستان مملکتی گه نسبت بیرگن ادعالرینی رد قیله‌میز.»
شو توغریده…
هند، پاکستان گه باره‌دیگن سوو آقیمی‌نی کیسدی
