بوگون "شنبه" مدنی جماعه مشترک ایش گروهی، عیاللر منطقهوی ترماغی و عیاللرگه عدالت ایستهش کمیتهسی، تینچلیک سوزلشوولر و اوشبو پروسهگه عیاللرنینگ اورنی توغریسیده «تینچلیک و مدنی ارزشلر» آتیده بیر ییغین یولگه قویگنلر.
مدنی جماعه مشترک ایش گروهینینگ مسووللریدن بیری عبدالله احمدینینگ ایتیشیچه، مدنی نهادلر قورلتایی یولگه قوییلیشی، موقت حکومت ایجاد ایتیلیشی و سیلاو قانونیگه اصلاحات کیلتیریش طرحیدن حمایت قیلمهیدی؛ بیراق طالبلر بیلن احتمالی آتیش کیسین جریانیده اوشبو طرحلرنی ریفراندومگه قوییلیشیدن حمایت قیلهدی.
مدنی نهادلرنی بیر اعلامیه آرقهلی ایتیشیچه، مدنی جماعه و افغانستان عیاللری دایمی تینچلیک تامین ایتیلیشینی ایستهیدی و اوشبو تینچلیککه عیاللر حقلری، عدالت و ایرکین سوزنی نظرگه آلینیشی کیرهک.
مدنی فعاللردن بیری حمیرا ثاقبنی ایتیشیچه، عیاللرنینگ تینچلیک سوزلشوویده حضورینی کملیگی اولرنی خواطرلنتیرگن.
مسکو تینچلیک ییغینیده اشتراک قیلگن عیاللردن بیری فوزیه کوفی، مذکور ییغینده عیاللرنینگ کم بولگنینی قبول قیلهدی؛ بیراق کیلهجک ییغینلرده عیاللرنینگ کوپراغ اشتراک قیلیشی اوستیگه تاکید قیلهدی.
اونینگ کوپهیتیریشیچه، کیلهجک ییغینلرده اشتراک قیلهدیگنلردن 30% نی عیاللر تشکیل بیریشی ممکن.
