بوگون «دوشنبه» امنیتی کوچلر قربانلری‌نینگ عایله‌لریگه «ییگولیک ماده کوپونلری» ترقه‌تیلیش جریانی‌نی بیرینچی مرحله‌سی جمهور رئیس غنی تامانیدن سیناو شکلده باشلندی.
بیرینچی مرحله‌ده باشکینت کابل‌ده شرایط‌گه ماس تانیلگن امنیتی کوچلر قربانلری‌نینگ 12 عایله‌سی اوچون مسؤول اداره‌لرنینگ همکارلیگی بیلن 12 آیلیک کوپون دفترچه‌سی ترقه‌تیلیشی سیناو شکلده عمل‌گه آشیریله‌دی.
جمهور رئیس محمداشرف غنی، بو برنامه افغانستان بویلب عمل‌گه آشیریلیشی و ملی بیر برنامه گه اوزگریشی خصوصیده، سوز یوریتگن.
جمهور رئیس غنی گه کوره، بوتون مغازه‌لر کوپونلرنی زمانی و وقتی گه اجرا قیلیشی کیره‌ک.
غنی گه کوره، امنیتی کوچلر قربانلری‌نینگ عایله‌لریگه کوپون دفترچه‌لرینی ترقه‌تیش جریانی پول یوقلیگی سبب تیزلیک‌ده باشلنمه‌دی.
سلام‌وطندارگه صحبت بیرگن ملی تدارکات اداره‌سینی استراتیژیسی‌نی علاقه‌وی بولیم مسؤولی احمدرامین ایازنینگ ایتیشیچه، کابل‌ده کوپون دفترچه‌سی آلیش اوچون شرایط‌گه ماس تانیلگن امنیتی کوچلر قربانلری‌نینگ عایله‌لری جاری ییل حوت آیی‌نینگ اداغیگچه بایومتریک بوله‌دی.
امنیتی کوچلر قربانلری‌نینگ عایله‌لریگه کوپون دفترچه‌لری آرقه‌لی آیی‌ده بیریله‌دیگن ییگولیک بسته‌سی اون، یاغ، برنج، عدس، چای و شکردن عبارت بولگن و خرجتی دولت تامانیدن توللنه‌دی و بوتون محصولات وطنی دیر.
جمهور رئیس غنی، جاری ییل‌نینگ جدی آیی‌ده امنیتی کوچلر قربانلری‌نینگ عایله‌لریگه ییگولیک ماده یاردم کوپونلری ترقه‌تیلیشی اوچون فرمان صادر قیلدی و بو فرمان اساسیده، ملی خوفسیزلیک عمومی ریاستی، مدافعه، ایچکی ایشلر و اجتماعی ایشلر وزیرلیک‌لری و شهیدلرنینگ ورثه‌لری و ناگران کیشی‌لردن حمایت قیلیش اداره‌سی ولایت‌لرنی اجره‌تیب و قربان بولگن‌لرنینگ رویخطی‌نی تیارلب و ملی تدارکات اداره‌سیگه تاپشیریش‌لری کیره‌ک.
کوپون دفترچه‌لری آرقه‌لی ییگولیک ماده ترقه‌تیش جریانی کیله‌جک قویاش ییل‌نینگ حمل آیی‌دن کابل‌ده بولگن امنیتی کوچلر قربانلری‌نینگ عایله‌لریگه و 1399- ییل‌نینگ حمل آیی‌دن باشقه ولایت‌لرده باشله‌نیشی ممکن.
