.jpg)
خوست ولایتی زازی‌میدان تومنی‌نینگ اهالیسی، پاکستان حربی‌لری تامانیدن تیکانلی سیم برپا ایتیلیشی گه توسیق بولگن. پاکستان حربی‌لری مذکور تومن‌نینگ کمیده 15 کیلومتری گه تیکانلی سیم آلیش‌گه باشله‌گن ایکن.
زازی‌میدان تومنیدن محلی بیر منبع‌نینگ ایتیشیچه، مذکور تومن اهالیسی عکس‌العمل بیلدیرگنیدن سونگ، پاکستان حربی‌لری تیکانلی سیم برپا ایتیش‌نی توخته‌تگن.
زازی‌میدان تومنی‌نینگ اهالیسی، حکومت‌نی مذکور تومنده تیکانلی سیم برپا ایتیلیشی توغریسیده معامله‌گرلیک‌که عیب‌لیدی. اولرنینگ ایتیشیچه، حکومت بو توغریده تیزلیک‌که قرار قیلیب یا-ده «بیزلرگه حربی جهاز بیریب و پاکستان بیلن اوروشیش‌گه رخصت بیریشی کیره‌ک.» زازی‌میدان تومنی یشاوچیلری‌نینگ ایتیشیچه، منطقه‌لریگه قول اوزه‌تیش اوچون هیچ قچان پاکستان حربی‌لریگه رخصت بیرمه‌یدیلر.
زازی‌میدان تومنیده مردمی کوچلرنینگ ایتیشیچه، پاکستان حربی‌لری عصری حربی جهازلر بیلن جهازلنگن‌لر و اولر آز امکانیت بیلن پاکستان حربی‌لریگه قرشی توره‌آلمه‌یدیلر.
.jpg)
بیراق، خوست حاکمی‌نی سوزلاوچیسی طالب منگل‌نینگ ایتیشیچه، اولر زازی‌میدان تومنی‌نینگ اهالیسی‌نی یانیده توریب و بار کوچلری بیلن اولردن حمایت قیله‌دی. او، زازی‌میدان تومنی‌نینگ اهالیسی تیکانلی سیم برپا ایتیلیشی توغریسیده حکومت پاکستان حربی‌لری بیلن معامله قیلگن دیگن ادعالرنی رد یا-ده تصدیق‌لمه‌گن.
مملکت حکومتی رسمی‌لری حاضرگچه بوتوغریده هیچ بیر فکر بیلدیرمه‌گن.
شونینگدیک، بیر ییل آلدین، پاکستان حربی‌لری دیورند چیزیغی گه یقین زازی‌میدان تومنی‌نینگ بیرقسمی‌ده تیکانلی سیم آله‌دیگن بیر چاغده، مذکور تومن اهالیسی‌نینگ عکس‌العملی گه روپه‌ره بولگن ایدی. بو یوزمه یوزلیک قربانلیک هم آلگن.
