بادغیس محلی مسووللری‌نینگ سلام‌وطندارگه ایتیشیچه، کیسکین حمایه‌وی کوچلر اوتگن کیچه مذکور ولایت جوند تومنی‌نینگ پنج بز منطقه‌سیده، حربی عملیات یولگه قویگنلر.
بادغیس ولایتی کینگش اورین باسری عبدالله افضلی‌نینگ ایتیشیچه، کیسکین حمایه‌وی کوچلر بیرینچی‌دن مذکور منطقه‌نی هوایی هجوم آستیده قرار بیریب و اوندن سونگ ییر آرقه‌لی عملیات‌نی یولگه قویگنلر.
بادغیس ولایتی کینگش اورین باسریگه کوره، طالبلر قماقخانه‌سیده بولگن 40 داعش جنگری‌سینی چیت‌ایللیک کوچلر اوزلری بیلن آلیب کیتگن. اونینگ ایتیشیچه، کیسکین حمایه‌وی کوچلر قولیگه توشگن داعش جنگریلریدن 30 ته‌سی چیت‌ایللیک و باشقه 5 ته‌سی عیال ایکن.
جناب افضلی‌نینگ کوپه‌یتیریشیچه، داعش گروهی‌نینگ مذکور اعضالری 6 آلدین فاریاب ولایتی‌نینگ گرزوان تومنیدن طالبلر قولیگه توشگن ایکن و اوشبو گروه قولگه توشگن داعش اعضالرینی بادغیس ولایتی‌نینگ جوند تومنیده انتقال بیرگن.
عین‌حالده، بادغیس حاکمی‌نینگ سوزلاوچیسی جمشید شهابی، کیسکین حمایه‌وی کوچلر تامانیدن یولگه قویلگن عملیات‌نی تصدیق‌له‌یدی.
جناب شهابی گه کوره، کیسکین حمایه‌وی کوچلر تامانیدن یولگه قوییلگن عملیات نتیجه‌سیده، طالبان جنگریلریدن 18 ته‌سی و داعش اعضالریدن 10 ته‌سی هلاک ایتیلیب و داعش باشقه 40 اعضاسی کیسکین حمایه‌وی کوچلر قولیگه توشگن.
بادغیس حاکمی‌نینگ سوزلاوچی‌سیگه کوره، مذکور ولایت جوند تومنی‌نینگ پنج بز منطقه‌سینی طالبلر وجودیدن تازه‌لش اوچون تیزلیک‌که حربی عملیات یولگه قویله‌دی.
طالبان گروهی‌نینگ سوزلاوچیسی ذبیح‌الله مجاهد، توییتر حسابی آرقه‌لی قماقخانه‌ده بولگن کیشی‌لرنینگ قوتقه‌ریلیشی‌نی تصدیق‌لگن.
