.jpg)
میدیالر آرقهلی ترقهتیلگن گزارشلر اساسیده، جاری میلادی ییل، 4- جنوری ده، سعودی عربستان میزبانلیگی بیلن افغانستان تینچلیگی توغریسیده «جده تینچلیک ییغینی» نامیده بیر ییغین یولگه قوییلیشی خصوصیده قرار قیلینگن ایدی، بیراق بو ییغین یولگه قوییلمهدی.
مملکت تینچلیک عالی کینگشینینگ ایتیشیچه، حاضرگچه سعودی عربستان و اشتراکچی مملکتلر، یولگه قوییلهدیگن ییغیننینگ دقیق زمانینی اعلان قیلمهگنلر.
بوگون «یکشنبه» کابلده خبری بیر ییغین اوتکزگن تینچلیک عالی کینگشینی سوزلاوچیسی سیداحسان طاهرینینگ ایتیشیچه، جده تینچلیک ییغینینینگ یولگه قوییلیش زمانی دقیق شکلده معلوم قیلینمهگن، بیراق مذکور ییغین گه اشتراک قیلهدیگن مملکتلر، طالبلر بیلن افغانستان تینچلیک مذاکرهچی هیأتی ایرکین شکلده بحث قیلیشلری توغریسیده کوچلی ضمانت بیرمهگن صورتده، افغانستان حکومتی بو ییغین گه هیأت یوبارمهیدی.
تینچلیک عالی کینگشی سوزلاوچیسینینگ کوپهیتیریشیچه، اوتگن ییغینلردن بولگن تجربه تکرار ایتیلمهسی کیرهک.
اوتگن میلادی آی، آمریکا، پاکستان، بیرلشگن عرب امیرلیگی، سعودی عربستان و طالبان گروهینینگ نمایندهلری اشتراکیده بیرلشگن عرب امیرلیگینی باشکینتی ابوظبیده یولگه قوییلگن اوچ کونلیک ییغینیده، طالبان گروهی افغانستان هیأتی بیلن مذاکره قیلمهگن.
.jpg)
شونینگدیک، جناب طاهرینینگ تینچلیک عالی کینگشینی پاکستان گه قیلهدیگن سفری توغریسیده ایتیشیچه، تینچلیک عالی کینگشینی دبیرخانه باشلیغی و تینچلیک کیلیشووی اوچون منطقهیی ایشلر بوییچه جمهور رئیسنی خاص نمایندهسی محمدعمر داوودزی و مملکت تشقی ایشلر وزیرلیگینی نمایندهسی جاری هفته سهشنبه کون تورت کونلیک بیر سفر اوچون پاکستان کیتهدیلر.
جناب طاهری گه کوره، اوشبو سفردن مقصد افغانستان تینچلیک جریانیدن پاکستاننینگ عملی حمایتینی جلب قیلیش و شونینگدیک، مذکور مملکت تامانیدن منطقهیی تینچلیک کیلیشووی حمایه قیلینیشی دیر.
تینچلیک عالی کینگشینینگ ایتیشیچه، دنیا بوییچه وجودگه کیلگن اوزگریشگه قرهگنده، افغانستان تینچلیک جریان چقانلشگن و کیلهجک اوچ آیگچه تینچلیک سوزلشوولری جریانیده کینگ اوزگریش کورینهدی.
