پکتیا زرمت تومنی یشاوچیلرینینگ ایتیشیچه، اوتگن کیچه زرمت تومنیده چیتایللیک و امنیتی کوچلر بیر عایلهنینگ باشی آتهسی و اوچ اوغلینی اویلریدن چیقاریب و اوندن سونگ، اوققه توتگنلر.
بوگون «دوشنبه» زرمت تومنینینگ سرکی منطقهسی یشاوچیلری، یوز بیرگن واقعه قربانلرینینگ جسدلرینی ولایت مقامی گه آلیب کیلیب و بو واقعه توغریسیده اعتراض بیلدیریب کابل-گردیز قتناو یولینی باغلهگنلر.
اعتراضچیلرنینگ ایتیشیچه، حکومت بو عملیاتنی سببی و مقصدینی تیکشیریشی کیرهک.
شونینگدیک، پکتیا محلی ادارهسی بو واقعهنی تصدیقلیدیغ بیراق ایتیشیچه، بوندهی واقعهلر اوچون جوابلری یوق دیر.
اعتراضچیلرگه قوشیلگن پکتیا حاکمی اورین باسری عبدالولی سهینینگ ایتیشیچه، محلی اداره بو عملیاتدن خبرسیز بولگن و بو موضوع نی تیکشیرهدی.
باشقه تاماندن، اوتگن کیچه زرمت تومنینینگ مموزی منطقهسی هوادن بمبارد بولگن؛ بیراق پکتیا پولیس قومندانلیگی و ایچکی ایشلر وزیرلیگی، حاضرگچه بو توغریده معلومات بیرمهگن.
شونینگدیک، کمیده بیر آی آلدین، زرمت تومنینینگ سهاکوی منطقهسیده امنیتی کوچلر و چیتایللیکلرنینگ قوشمه عملیاتی نتیجهسیده 8 تینچ اهالی هلاک ایتیلگن ایدی.
