نمایندهلر کینگشی سیلاویده یوتوققه ایریشگن نامزدلرنینگ دستلبکی رویخطی سیلاولر کمیسیونی تامانیدن اعلان ایتیلگنیدن سونگ، یوتوققه ایریشمهگن نامزدلردن بیرقطاری، سیلاولر کمیسیونینی آواز بیریش مرکزلرده ساختهکارلیک قیلیشگه عیبلب و ولایتلردن بیرقطاریده ناراضیلیکلرگه قول اورگنلر.
اوشبو اعتراضلرنی دوامیده، بوگون ننگرهار و لوگر ولایتلریده یوتوققه ایریشمهگن نامزدلردن بیرقطاری و طرفدارلری ناراضیلیککه قول اورگنلر.
ننگرهار ولایتینینگ هسکه مینه تومنیدن نمایندهلر کینگشی سیلاوینینگ نامزدی میا حکیمشاه نینگ طرفدارلریدن بیرقطارینی آگاهلنتیریشیچه، بو ولایتده سیلاولر کمیسیونی دستلبکی نتیجهلرنی لغو قیلمهگن صورتده، حکومت بیلن بولگن علاقهسینی کیسهدیلر.
اعتراضچیلرنینگ ایتیشیچه، خوفلی شرایطده آواز بیریش مرکزلریگه باریب و ایستهگن نامزدلریگه آواز بیرگنلر؛ بیراق سیلاولر کمیسیونی دستلبکی نتیجهنی اعلان قیلیب اولرنی مسخره قیلگن.
شونینگدیک، اعتراضچیلرنینگ ایتیشیچه، سیلاولر کمیسیونی اعلان ایتیلگن دستلبکی نتیجهلرنی لغو قیلیب و بایومتریک بولمهگن آوازلرنی قارهلمهگن صورتده، شینوار تومنینینگ برچه قتناو یوللرینی باغلشلری ممکن.
ایتیش کیرهک کیم، ننگرهار ولایتینینگ شینواریدن 15 کیشی نمایندهلر کینگشی سیلاویگه نامزد بولگن ایکن؛ بیراق دستلبکی نتیجه رویخطیده بو نامزدلردن هیچ بیرینینگ آتی کیریتیلمهگن.
باشقه تاماندن، لوگر ولایتیدن هم 30 نامزد و طرفدارلری ناراضیلیککه قول اوریب و مذکور ولایتده سیلاولر کمیسیونینینگ ولایتی دفترینی باغلهگنلر.
اعتراضچیلر تحصن خیمهلر قوریب سیلاولر کمیسیونیدن بایومتریک بولمهگن آوازلرنی قارهلشینی سورهگن.
اعتراضچی نامزدلرنینگ آگاهلنتیریشیچه، ایستکلریگه دقت قیلینمهگن صورتده، جنوب-شرق قتناو یولینی ترافیک یوزیگه باغلهیدیلر.
لوگر ولایتیدن بولگن اعتراضچی نامزد نصرتالله نینگ ایتیشیچه، سیلاولر شکایتلرینی تینگلش کمیسیونی آواز بیریلمهگن آواز بیریش مرکزلرنینگ آوازلرینی قارهلب و ساختهکارلیک قیلگنلرنی قارهلاوچیلیککه تانیشتیریشی کیرهک.
اعتراضچیلرنینگ ایتیشیچه، ایستکلریگه ایجابی جواب بیریلگونگهقدر، لوگرده بولگن سیلاولر کمیسیونینینگ ولایتی دفتری آچیلیشی گه رخصت بیریلمهیدی.
سیلاولر ایرکین کمیسیونی حاضرگهقدر کابل و بغلان آوازلریدن ایری مملکتنی برچه ولایتلرینینگ آوازلرینی اعلان قیلیب و سونگی رویخط اوزگریشینی بیلدیرگن.
