نماینده‌لر کینگشی اعضالریدن بیرقطاری‌نینگ سیلاو مدیریت‌سیزلیگی‌دن تنقید قیلیب ایتیشیچه، سیلاولر ایرکین کمیسیونی پول بدلی‌گه قطار نامزدلرنینگ آت‌لری‌نی اوشبو کمیسیون تامانیدن اعلان ایتیلگن بیرینچی رویخط‌که کیریتگن و بو کمیسیونی تدارکات کمیسیون‌گه اوزگرتیرگن.
نماینده‌لر کینگشی اعضالری‌نینگ ایتیشیچه، کمیسیون سابق ایشلاوچی‌لرینی چیکلنتیریب و اورنیده باشقه ایشلاوچی‌لرنی جای‌لشتیریش قانون‌گه قرشی دیر.
نماینده‌لر کینگشی‌نینگ بیرینچی اورین باسری همایون همایون‌نینگ ایتیشیچه، نماینده‌لرکینگشی سیلاوی‌‌نینگ مدیریت‌سیز و ساخته‌کارلیک شکلده بولیب اوتیشی‌نی بیله‌ریدیلر، بیراق نماینده‌لر کینگشی سیلاوی اولرنینگ ایستک‌لریگه قرشی یولگه قوییلدی.
جناب همایون، جمهور رییس غنی‌دن، سیلاولرایرکین کمیسیونی باشلیغی و کمیشنرلرینی قارالاوچیلیک‌که تانیتیشی‌نی سوره‌گن.
عین‌حالده، نماینده‌لر کینگشی اعضالریدن باشقه بیری ذکریا سودا نینگ ایتیشیچه، سیلاولر ایرکین کمیسیونی تامانیدن اعلان ایتیلگن نتیجه و آواز بیریش محل‌لر نتیجه‌سی فرقلی دیر. اونینگ ایتیشچه، آوازلرنی سنه‌ش لایحه‌سیگه ساخته‌کارلیک یوز بیرگن.
جناب سودا نینگ ایتیشیچه، ناتینچلیک و یول‌نینگ اوزاق‌لیگی باعث، بدخشان یشاوچی‌لریدن 30% سیلاو ده اشتراک قیلگن‌لر؛ بیراق کمیسیون تامانیدن اعلان ایتیلگن نتیجه‌گه قره‌گنده اوشبو ولایت 60% یشاوچی‌لری نماینده‌لر کینگشی سیلاوده اشتراک قیلگن‌لر.
بو توغریده سیلاولر ایرکین کمیسیونی فکری‌نی آلیش اوچون سعی و حرکت قیلدیک، بیراق موفق بولمه‌دیک.
