.jpg)
تخار یشاوچیلری اوشبو ولایت تومن‌لریده رواجلنتریش پروژه‌لرنی بیر ییل آرقه گه توشگنیدن تنقید قیلیب ایتیشلریچه، کوپینچه تومن اهالی لری دستلبکی اجتماعی خدمت‌لرگه قول تاپه‌آلمه‌یدیلر؛ عین‌حالده، باشقه نیچه تومن‌ده اهالی‌نینگ احتیاجی نظرگه آلینمس‌دن پروژه‌لر عمل گه آشیریله‌دی.
اولرنینگ ایتیشیچه، بیر تومن‌نینگ برچه مکتب‌لری گه بناسی بار، بیراق باشقه بیر تومن‌نینگ برچه مکتب‌لری بناسیز دیر.
چال، نمک‌آب، هزار سموچ و چاه‌آب تخارنینگ رواجلنمه‌گن تومن‌لریدن دیر. مذکور تومن‌لرنینگ قطاری گه اهالی حتی ییچیم‌لیک سووگه قول تاپه‌آلمه‌یدیلر. کوکچه اطرافیده‌گی 7 تومن رواجلنتریش جریانی گه قرار تاپگن تومنلردن دیر و تخار مرکزی تالقان شهری شامل فرخار، ورسج و بهارک تومن‌لری رواجلنگن تومنلردن حسابلنه‌دی.
بولرنینگ آره‌سیده کوپینچه پروژه‌لر فرخار تومنی‌ده تطبیق بولگن. مذکور پروژه‌لرگه مکتب، ساغلیک مرکزی، و یول قوریش شامل دیر. فرخار تومنی‌ده یالغیز اوتگن هفته ده 6 مکتب فایده‌لنیش گه تاپشیریلدی؛ شوندی بیر حالده او مکتب‌لردن قطاری‌نینگ اوقوچیسی 50 کیشی گه هم ییتیشمه‌یدی.
.jpg)
تخار اقتصاد اداره‌سی باشلیغی طارق ضیانینگ ایتیشیچه، حکومت و قوریلمه‌لر رواجلنتریش برنامه‌لرینی عمل گه آشیریشی خصوصیده، عدالت و احتیاج‌لرنی نظرگه آلمه‌یدی.
بیلیم یورت اوقیتوچی‌لریدن جواد طیب‌نینگ ایشانچی گه کوره، رواجلنتریش لایحه‌لرنی تینگ شکلده عمل گه آشیریلمه‌گنی اهالی‌نینگ دولت برابریده ایشانچ‌سیز قیله‌دی و بو ناراض کیشی‌لردن عسکر آلیش اوچون دولت گه قرشی قورالی لرگه یخشی بهانه بوله‌دی.
تخار یشاوچیلری‌نینگ ایشانچی گه کوره، نماینده‌لری کینگشی‌نینگ اقتصادی کمیته‌سی‌گه فرخار نماینده‌لری‌نینگ موجودلیگی باعث، بو تومن‌ده کوپینچه پروژه‌لر عمل گه آشیریلگن.
