افغانستان سیلاولر ایرکین کمیسیونی‌نینگ ایتیشیچه، کابل آوازلری بیکار قیلینیشی توغریسیده سیلاولر شکایت‌لرینی تینگلش کمیسیونی‌نینگ قراری سیاسی، قانون گه قرشی، شاشیلینچ و عقده‌لی دیر.
بوگون «پنج‌شنبه» سیلاولر شکایت‌لرینی تینگلش کمیسیونی، کابل‌ده نماینده‌لر کینگشی سیلاوی‌نینگ آوازلرینی «کینگ تقلب و سیلاوگه عاید جنایت‌لر» باعث، بیکار اعلان قیلگنیدن سونگ، سیلاولر ایرکین کمیسیونی بو قرارگه جدی شکلده عکس‌العمل بیلدیردی.
سیلاولر ایرکین کمیسیونی باشلیغی عبدالبدیع صیادنینگ ایتیشیچه، سیلاولر شکایت‌لرینی تینگلش کمیسیونی‌نینگ قراری سیاسی بولگن و بونی هیچ‌قنده‌ی حقوقی و قانونی اساسی یوق دیر.
بوگون «پنج‌شنبه» کیچ قورون خبری بیر ییغینده سیلاولر ایرکین کمیسیونی مسؤوللری‌نینگ ایتیشیچه، اولر سیلاولر شکایت‌لرینی تینگلش کمیسیونی‌نینگ قرارینی میدیالر آرقه‌لی ایشیتگن‌لر.
کمیسیون مسؤوللریگه کوره، ییریک ایشلاوچی‌لردن بیرقطاری وظیفه‌لری توغریسیده بی‌فرق یانده‌شگن‌لری سبب، وظیفه‌لریدن چیکلنتیریلیشی سیلاولر شکایت‌لرینی تینگلش کمیسیونی‌نینگ صلاحیتی‌دن یوقاری دیر.
سیلاولر ایرکین کمیسیونی مسؤوللری‌نینگ ایتیشیچه، ایش باشله‌نیشیدن سیلاولر شکایت‌لرینی تینگلش کمیسیونی سیلاو جریانی‌نی سبوتاژ قیلیش اوچون سعی و حرکت قیلردی و بوگون ملی جریانلر توغریسیده بولگن نیتی‌نی کورستدی.
سیلاولر ایرکین کمیسیونی‌نینگ ایتیشیچه، ایرکین‌سیزلیک، سِرسیز و عدالت‌سیز بولگن سیلاو بوتون آوازلر بیکار قیلینیشی اوچون دلیل بوله آلمه‌یدی. مذکور کمیسیون، سیلاولر شکایت‌لرینی تینگلش کمیسیونی‌نینگ قرارینی «کابل اهالیسی آوازلرینی معامله قیلیش» دیب بیله‌دی.
سیلاولر ایرکین کمیسیونی مسؤوللری‌نینگ ایتیشیچه، آوازلرنی سنه‌ش جریانی مذکور کمیسیون تامانیدن عادی شکلده دوام ایتماقده و نتیجه‌سی زمان اساسیده، اعلان ایتیلیشی ممکن.
