.jpg)
ناتو تشکیلاتی‌نینگ تشقی ایشلر وزیرلری ییغینی‌ده مذکور تشکیلات باش کاتبی ینس استولتنبرگ نینگ ایتیشیچه، افغانستان تینچلیک سوزلشوولری عره‌فه‌سیده بولگن حالده، ناتینچلیک و زوره‌وانلیک‌لر طبیعی شکلده کوپه‌ییشی ممکن.
ناتو باش کاتبی‌نینگ ایتیشیچه، قوراللی طالبلر اوروش میدانیده یوتوققه ایریشمه‌یدی و بو گروه مذاکره گه حاضر بولیشی کیره‌ک. شونینگدیک، اونینگ کوپه‌یتیریشیچه، ناتو کوچلری میلادی 2024- ییل‌گچه افغانستان حربی کوچلرینی مالی و تعلیمات نقطه‌ی نظردن حمایت قیله‌دی.
اونگه کوره، افغانستانده امنیتی وضعیت چیگل دیر و ناتو منطقه مملکت‌لری اینیقسه پاکستاندن افغانستان یشاوچیلرینینگ رهبرلیگی‌ده بولگن تینچلیک جریانیدن حمایت قیلیشی‌نی سوره‌یدی.
ناتو باش کاتبی‌نینگ ایتیشیچه، افغانستانده امنیتی کوچلرنینگ تلفات رقمی یوقاری دیر و انه‌شو سبب اوشبو سازمان امنیتی کوچ‌لردن حمایت قیلیشی‌گه دوام بیره‌دی.
.jpg)
عین‌حالده، چیت‌ایللیک کوچلرنینگ افغانستانده‌گی قومندانی اسکات میلرنینگ اوشبو ییغین حاشیه‌سیده سلام‌وطندارگه ایتیشیچه، افغانستان یشاوچیلرینینگ امنیتی کوچ‌لرگه فخر قیلیشی کیره‌ک؛ چونکه اوشبو کوچلر کم امکانیت بیلن اوروش میدانی‌گه موفق بوله‌دی. جناب میلرنینگ نیچه کون آلدین هلمند ولایتیده صورت تاپگن هجوم‌گه اشاره قیلیب ایتیشیچه، مذکور هجوم‌ده هلمند ولایتیده طالبلر تامانیدن نام‌لنگن حاکم هلاک ایتیلگن و اوشبو هجوم افغانستان امنیتی کوچ‌لری‌نینگ یوتوقلیگینی کورسته‌دی.
ناتو مقام‌لری‌نینگ ایتیشیچه، ناتونینگ کینکه ییغینی‌نی کیلسی ییل مارچ آی‌ده امریکا قوشمه ایالتی‌گه یولگه قویلیشی ممکن.
