سلاموطندارگه صحبت بیرگن بادغیس مدنیت و معلومات ریاستی سرپرستی عبدال اولنینگ ایتیشیچه، اوشبو ولایتده 50 دن آرتیق بنا و تاریخی اثرلر موجود دیر؛ بیراق اولرنینگ 50 فایزدن آرتیغی بوزیلگن.
بادغیس مدنیت و معلومات ریاستی سرپرستیگه کوره، تاریخی اثرلردن کوپینچهسی طالبان نظارتیگه بولگن تومنلرده قرار تاپگن و اولردن کوپینچهسی دولت گه قرشی قورالی کیشیلر و اهالی تامانیدن بوزیلگن.
بادغیس مدنیت و معلومات ریاستی سرپرستینینگ ایتیشیچه، بالامرغاب تومنیدهگی نریمان و موریچاق قلعهسی، قادس تومنیدهگی ملک انتر، جوند تومنیدهگی پیوار قلعهسی، لنگر و باشقه اونلرچه اثر مذکور ولایتده قرار تاپگن و اولردن کوپینچهسی تخریب بولگن.
اونگه کوره، شونینگدیک اوتگن ییل قدیمی اثرلردن قطاری قورالی کیشیلر تامانیدن قازیلیب و اونینگ ایچیدهگی نرسهلری مملکتدن تشقی قاچاق بولگن.
بادغیس مدنیت و معلومات ریاستی سرپرستینینگ کوپهیتیریشیچه، مرکزی حکومت اینیقسه مدنیت و معلومات وزیرلیگیدن نیچه مرته مذکور اثرلرنی قیتهدن قوریلیشی نی سورهگنلر؛ بیراق حاضرگچه بو توغریده هیچ قندی توجه بولمهگن.
بادغیس ولایتینینگ قطار مدنیت بیلرمان و یشاوچیلری مذکور تومندهگی اثرلرنی بوزیلیشیدن خواطر بیلدیریب ایتیشلریچه، قدیمی اثرلر هربیر مملکتنینگ کیملیگی دیر؛ بیراق مرکزی حکومت اوشبو اثرلرنی قیتهدن قوریلیشی توغریسیده هیچ قندی توجه قیلمهگن.
شونینگدیک بادغیس حاکمی جمشید شهابینینگ ایتیشیچه، مدنیت و معلومات وزیرلیگیدن کیلهسی ییلده اوشبو ولایتدهگی اثرلرنی قیته قوریلیشی توغریسیده بودجه اجرهتیشی نی سورهگنلر و کیلهسی ییلده اوشبو ایش عمل گه آشیریلیشی نی امید قیلهدیلر.
