سلام‌وطندارگه صحبت بیرگن غور اهالیسی و ولایتی کینگش اعضالریدن بیرقطاری‌نینگ ایتیشیچه، مذکور ولایت‌نینگ دولتیار تومنیده قوراللی طالب‌لر تلویزیون کوریش، سقال تراشلیک و قیزلر مکتب گه باریشی‌نی منع قیلگن.
غور ولایتی کینگش اعضاسی حمیدالله متحدنینگ ایتیشیچه، دولتیار تومنی‌نینگ کوپینچه منطقه‌سیده طالب‌لر کینگ شکلده فعالیت قیله‌دی و نیچه هفته‌دن بویان تلویزیونلرنی سیندیریب و عُشر و زکات توپلماقده‌لر.
غور ولایتی کینگشی‌نی اوشبو اعضاسی‌نینگ کوپه‌یتیریشیچه، مذکور گروه‌نینگ جنگریلری اهالی و دولت ایشلاوچی‌لریگه اعلامیه یوباریب و اولردن حکومت بیلن بولگن علاقه‌لری کیسیلیشی‌نی سوره‌گن و بو ایش بولمه‌گنده قتیق شکلده جزالنه‌دیلر.
شونینگدیک، دولتیار تومنی اهالیسی، طالب‌لرنینگ حضوریدن خواطر بیلدیریب و مرکزی و محلی مسؤوللردن اوشبو تومنده طالب‌لرنینگ فعالیتی گه توسیق بولیش‌لرینی طلب قیلگن‌لر.
عین حالده، غور حاکمی سوزلاوچیسی عبدالحی خطیبی نینگ ایتیشیچه، اولر حاضرگچه طالب‌لر تامانیدن قتیق قاعده‌لر تعیین ایتیلیشی توغریسیده گزارش قولگه کیریتمه‌گن‌لر.
بیراق، اونینگ اورغولشیچه، مذکور تومنده طالب‌لر اهالی دن عُشر و زکات آتی گه پول آله‌دیلر.
شو توغریده…
سانچارک تومنی؛ طالبان چیکلاو تعیین ایتگن
دولتیار تومنی غور ولایتی‌نینگ مرکزی فیروزکوه شهری‌نی 65 کیلومترلیگی و غور-کابل قتناو یولیده جایلشگن و مذکور ولایت‌نینگ اهالیسی و ولایتی کینگش اعضالری گه کوره، قوراللی طالب‌لر غور ولایتی‌نینگ باشقه منطقه‌لریگه هجوم قیلیش اوچون مذکور تومن‌نی قرارگاه توزه‌تیش خصوصیده، سعی و حرکت قیله‌دیلر.
